, ,

ЗАЕДНО СЕ 71 ГОДИНА: Марица и Томо пример за вистински сопружници

91-годишната Марица и нејзиниот сопруг и животен партнер Томо Винковиќ (93) од Ѓурѓевачката приградската населба Будровци се венчале далечниот 17 ноември 1946 година во Будровци. Пред тоа, како што би се рекло денес, „оделе“ (биле во врска) две години, иако Томо како иден сопруг ја познава од нејзината најрана младост бидејќи поминувала од патот кај нивната куќа. Додавајќи дека некогаш знаеле и да се скараат, сериозни караници меѓу нив никогаш немало. Никогаш ништо не „ставиле“ под тепих, вели Томо, туку веднаш ги решавале несогласувањата. Со години во селото се познати по трудољубивоста. -Ако луѓето се сакаат и меѓусебно се почитуваат, а тоа ние цел живот го правиме, тогаш во куќата ќе владее слога-раскажува брачниот пар со кој шест години живее ќерката единица и нејзиниот сопруг Здравко Дорин. Тешките времиња ги научиле колку е важно да се почитува семејството па на тоа ја научиле и нивната ќерка, која несебично со својот сопруг дошла да живее со родителите кога повеќе не можеле сами. Откако Марица морала да се движи со помош на количка, ќерката и зетот се доселиле од Загреб да му помогнат на нејзиниот татко кој на 6 декември, денеска, ќе го прослави 93-от роденден. Две недели по роденденот на сопругот, Марица ќе наполни 91 година. Болеста помалку ја прави нервозна, бидејќи вели дека најмногу и фали движењето и работата на имотот, од која живееле. Три години постариот Томо речиси да има „челично“ здравје. Токму кога ги посетила екипата на 24.сата.хр, Томо имал температура бидејќи настинал. Кога зетот Здравко му рекол да се облече подобро, Томо во свој стил му рекол дека ќе види како тој ќе изгледа на 93 години. -Па до кога вие мислите да живеете Томо-му одговорил зетот во шега. Томо сите го знаеле како весел човек, бидејќи немало ниту една веселба без тој да запее. Низ смеа му одговорил: „Додека не умрам“. Ретко бил болен, освен понекоја настинка, а вели дека е здрав бидејќи секогаш се хранел здраво, многу работел и бил веселко. -Никогаш не се лутев. Се вртев на шега-појаснува Томо. Тој и денес ја задржал старата навика денот да го почнува со една ракија, а за ручек една до две чаши вино од неговата лоза се задолжителни. Ќерката Марија вели дека многу чита и не му требаат наочари, а за политика не се грижи и избегнува да гледа ТВ бидејќи, како што открил сам, тоа е штетно за нервите. Вредната Марица има желба вниците да и подарат правнуци Од детство добро се сложувале, а на една забава, кога Марица имала 18 години, меѓу нив се разгорел пламенот на љубовта кој ги држи сите овие години. -Тогаш сфатив дека Томо ми е повеќе од пријател, а и тој го призна тоа. На таа забава бев малку нервозна бидејќи набрзо потоа дојде мојата мајка и го следеше секој мој поглед-вели Марица. Иако во тоа време, непосредно после 2 светска војна, било тешко, тие двајца речиси се заедно работеле, освен кога Томо, кој е меѓу првите во селото имал коњ, одел на другите да им ги копа лозите. На Марица тогаш и останувала целата работа, но вели, ништо не и било тешко. Марица има само една желба-нејзините внуци Дамир и Даријан да основаат семејства и конечно да стане прабаба.