Магијата на подарувањето

Се наближуваат божиќните и новогодишните празници, а со нив и сите оние мали задоволства кои си ги подаруваме и ги споделуваме со најблиските. Ова се денови кога им покажуваме колку ни значат пријателите и семејството, a со подарувањето им ја искажуваме благодарноста затоа што се секогаш покрај нас, како во добрите така и во лошите денови. Но, колку и да им се радуваме на овие празници, сепак среќата која овие празници им ја носат на децата е неспоредлива. Па затоа, ова е одлична можност не само да го смислите најубавиот подарок за нив, туку и да им ги дадете првите лекции околу смислата и целтта на подарувањетo. Доколку научат да подаруваат, тие ќе се развијат во емотивно стабилна личност која нема да бара само да ги задоволи своите потреби, туку ќе се грижат и за потребите на луѓето околу нив. Подарете им го вашето присуство Еден од најдобриот подарок кој можете да му го подарите на вашето дете, и тоа не само во овој период од годината, е да поминувате што повеќе време заедно. На тој начин, ќе му испратите порака дека тоа (детето) е единствениот дар кој вам ви е најважен. Подарeте внимание Овие празнични денови, на вашите најблиски подарите им го вашето комплетно внимание. Тоа можете да го направите додека заедно шетате, готвите, одите во зоолошка, кино или книжарница. И не заборавете да се смеете и да ги исклучите вашите електронски уреди. Подарете предмети кои ќе ги поттикнат нивните таленти Одберете подарок со којшто ќе ги направите нивните надежи и соништа остварливи: четкички и бои за да го поттикнете и да го заинтересирате за сликарство, сет за мали хемичари за амбициозни научници или креативни играчки со кои се поттикнува нивниот развој, но во истовреме и ги прави среќни. Тоа се подароди кои вреди да се купат. Охрабрете ги да направат нешто сами Рачната изработка на подароците секогаш има поголемо значење, па затоа потрудете се да подарите ситници кои само ќе ги изработите, да испечете колачиња, нешто да исплетете или сошиете. Вклучете ги и најмалите да бидат дел од овој процес, па така не само што ќе поминете квалитетно време заедно, туку и ќе имате чувство дека сте направиле нешто вредно, бидејќи таквите подароци имаат посебна вредност и значење. И на крајот на денот, подарувањето нè поврзува и ни дава можност да ги кажеме работите, без зборови кои можеби сме пропуштиле да ги споменеме во текот на годината, а сепак сме ги чувствувале. Ова ме потсети на последната новогодишна реклама на Македонски Телеком „Магијата започнува кога сме заедно“  којашто е дел од новата празнична понуда, а ги задоволува сите комуникациски потреби на целото семејство. И да, токму така, од време на време вреди да се потсетиме на вниманието и љубовта која ја споделуваме со најблиските и тоа несебично да им го покажеме, а во меѓувреме ве оставаме да уживате во сцените на овој емотивен рекламен спот: https://www.youtube.com/watch?v=WdDmiBKv35c&feature=youtu.be