ЧОКОхолик. Нема ништо повкусно од чоколадо. Торта, кафе, колач што и да е, чоколадно да е. Нормално се трудам да најдам здрави алтернативи, но постојат и „cheat days“.
Оваа недела ќе печам Браунис со ореви. Денешниот рецепт е „its a must“.
Потребни состојки:
200 гр. Темно чоколадо
100 гр. Путер (може кокосов)
4 јајца
100 гр. Кокосов шеќер или кафен
100 гр. Ореви
30 гр. Какао (15%)
60 гр. Брашно од спелта
1 л. Прашок за печиво
1 ванила стапче
Прстофат сол и цимет
Вклучете ја рерната на 170°C. Тавчето (20×20) обложете го со хартија за печење.
На пареа растопете ги путерот и чоколадото. Додека се ладат јајцата и шеќерот, изматете ги заедно. Откако чоколадната смеса ќе биде изладена ( на собна температура) истурете ја во јајцата и додадете ги сувите состојки.
Промешајте убаво рачно да добиете хомогена смеса. На крај додадете ги оревите насечкани на парчиња, промешајте и ставете да се пече околу 25 мин.
Кората треба да е испечена, а внатре да е „постики“, чепкалката да не излезе сува. Задолжително за овој колач е да го оставите целосно да се олади, пред да го исечете и послужите, во спротивно ќе ви се распадне. Чекам слики и коментари.
Bon apettit
Мали совети:
Секогаш просејте ги брашното, какаото и печивото.
Доколку не ставате темно чоколадо ставете 50 гр. шеќер во спротивно ќе биде преблаг.
Оревите може да се заменат со лешници или бадеми.
За Женски Магазин готви Маја Зивчевиќ
Здраво јас сум Маја и јас сум