СРЕЌНА УЧЕБНА ГОДИНА СО ТАВ АЕРОДРОМИ: ДОНИРАНИ НАД 100 УЧИЛИШНИ ПАКЕТИ НА ДЕЦА ОД СЕМЕЈСТВА ВО СОЦИЈАЛЕН РИЗИК
ТАВ Македонија, подружница на ТАВ Аеродроми, донираше училишен прибор за повеќе од 100 деца од семејства кои живеат во социјален ризик во двете општини кои се во соседството на Меѓународниот Аеродром Скопје
Пред почетокот на новата учебна година, ТАВ Македонијаим донираше ранци полни со училишен прибор на повеќе од 100 деца од семејства кои живеат во социјален ризик во општините Илинден и Петровец, посакувајќи им среќен почеток на учебната 2024/2025 година.
Во соработка со здружението за хуманитарно-социјален развој „Проект среќа“ и нивниот проект насловен „Среќна учебна година“ и во соработка со двете заедници од општините Илинден и Петровец, над 100 ученици од три основни училишта, ООУ Ристо Крле и ООУ Гоце Делчев - двете од Илинден и ООУ Кочо Рацин од Петровец, добија училишни комплети.
„Воодушевен сум што како ТАВ Аеродроми постојано наоѓаме начини за поддршка на локалните заедници кои се во најблиската близина на нашите аеродроми. Овој пат, нашиот проект за општествена одговорност ги поддржува најмладите, над 100 деца од 3 основни училишта, кои потекнуваат од семејства кои живеат во социјален ризик во општините во соседството на Меѓународниот Аеродром Скопје. Благодарение на нашата долгогодишна соработка со невладината организација „Проект среќа“, а овој пат и со општините Илинден и Петровец, со оваа донација сакаме да поттикнеме насмевки на децата, да придонесеме за нивната среќа и подготвеност за стекнување нови знаења. ТАВ Аеродроми како компанија ќе ја продолжи својата мисија - да поддржува и позитивно да влијае на заедниците и на општеството“. – изјави Неџат Курт, генерален директор на ТАВ Македонија.
Вработени-волонтери од Меѓународниот Аеродром Скопје ги спакуваа училишните комплети, додека генералниот директор на ТАВ Македонија, Неџат Курт, оваа донација им ја предаде на трите училишта од Илинден и од Петровец.
Со донацијата што вчера (23 август) им беше врачена на основните училишта во Илинден и во Петровец, преку проектот на “Проект среќа” насловен „Среќна учебна година“, 112 деца од семејства во социјален ризик, се подготвени за свеж и успешен почеток на новата учебна година.
ТАВ Македонија се стреми да генерира трајни вредности кои ги надминуваат нејзините корпоративни граници преку искористување на своите ресурси во иницијативи за општествена одговорност.
Пр објава
