Андријана Петрушовска: Не ми треба партнер, доволна сум си самата на себе
Атрактивната пејачка Андријана Петрушовска по своето учество на регионалното музичко шоу „Ѕвездите на Гранд“ каде што стаса до самото финале е доста ангажирана на настапи низ домашните локали. Андријана на секое појавување во студиото на „Гранд“ во Белград ги изненадуваше жирито и публиката со своите смели и провокативни креации. Откако во финалето го освои деветтото место, за малку не успеа да влезе во суперфиналето, и се одмори од коментарите и впечатоците, згодната пејачка за Женски магазин откри интересни приказни за натпреварувањето, за креациите кои ги облече и за љубовниот живот.
* Дали потајно, во себеси се надеваше дека ќе победиш на „Ѕвездите на Гранд“?
- Целта ми беше да стигнам до финале, напорно работев на тоа и горда сум на себе и на својот ментор што го достигнавме тоа, а за победа не се надевав.
* Кое е твоето мислење за нашиот Александар и за победникот Нермин?
- Александар пред сè ми е близок пријател и моето мислење за него е дека е најдобар rock&roll пејач во изминатите години на Гранд, а Нермин заслужено ја доби титулата на победник, навистина е паметено, културно, скромно и талентирано момче.
* Многу се зборуваше за твојот црвен фустан со шлиц кој е интересна креација, како го одбра?
- Инспирацијата за таа креација беше и самата песна која ја пеев за своето претставување во финалето.
* Како се чувствуваш кога носиш нешто толку провокативно и отворено, дали ти влева поголема самодоверба или сепак чувствѕваш доза на нелагодност?
- Во текот на целото натпреварување се трудев да покажам професионалност како во пеењето така и со физичкиот изглед. Секоја креација која ја носев беше моја замисла и на мојот ментор. Соработував со многу добар тим на професионални дизајнери кои ја реализираа секоја моја замисла. Сè што носев на себе беше прифатливо за сцена и за оваа професија и нормално дека имав самодоверба. Перфекционист сум кога станува збор за физичкиот изглед, а по мој вкус сèбеше изработено перфектно!
* Се грижиш ли за негативните коментари на твоја сметка, ги читаш ли?
- Секој има право на свое мислење, коментари не читам, имам своја цел и напорно работам за да ја остварам. Негативни коментари секогаш имало и ќе има.
* Која е Андријана пред Ѕвездите на Гранд, и која е надвор од нив?
- Андријана во „Ѕвездите на Град“ е борец кој има храброст и смелост да се носи со таа сцена, а приватно сум пак истата храбра девојка која сепак ја има најголемата врлина на карактерот, а тоа е скромноста и горда сум на себе поради тоа.
* Дали си емотивно среќна и исполнета, дали си во врска?
- Среќна сум и благодарна за сè што имам. За својата среќа одлучувам само јас и партнер не ми треба за да бидам среќна или емотивно исполнета. Доволна сум си сама на себе, како и мојата фамилија и пријатели кои ми се огромна поддршка во сè што правам.
* Колку е тешко за убава и атрактивна жена како тебе која се занимава со пеење, да задржи вистински партнер покрај себе, ?
- Стандарди за убавина не постојат, сè е до вкус. Свесна сум за својата атрактивност, а ако е вистински партнер нема да треба да се трудам да го задржам, туку тој ќе ме цени, сака и почитува како жена на правилен и здрав начин и секако ми е важно да ја разбира мојата професија.
(М.Џ.)
