Добивај вести на Viber

Една од најпознатите холивудски актерки Ким Бесинџер (69) некогаш беше синоним за сексипилност и убавина, а ја красеше и величенствен актерски талент и извонредна харизма. Девојката од Бонд ги освои срцата на гледачите, но и на многу познати мажи, меѓу кои Ричард Гир, Принц, продуцентот Џон Питерс.

Но, Ким со години го избегнува центарот на вниманието и повеќе не ја гледаме толку често во јавноста, па не е ни чудо што папараците не штедеа ниту блиц кога ја „уловија“ во Холивуд во вторникот вечерта додека пристигна на baby shower прославата на нејзината ќерка Ајрланд Болдвин.

Ким дојде на забавата со долгогодишното момче Мич Стоун и се одлучи за едноставно, кул модно издание - сив кроен костум, свилена, црна кошула и црни, кожени Оксфорд чевли.

Сепак, она што им падна во очи на интернет корисниците и на оние на социјалните мрежи е фактот дека познатата актерка има очигледни траги од пластични операции. Не е тајна дека 69-годишната дива направи низа естетски операции за да ја зачува својата поранешна убавина, но за жал ја загуби и способноста за мимика, а носот, јаготките и усните едноставно изгледаат поинаку од порано.

Foto:Profimedia

„Сега личи на Мики Рурк“, „Сигурен сум дека е тешко да старееш во очите на јавноста, но ова - претера“, „Поубава жена од неа никогаш не сум видел и оваа глетка ме растажува“ , „Зошто го направи ова? Разбирам неколку корекции, но да се уништиш вака...“, „Секогаш мислев дека е една од најубавите жени во Холивуд, навистина страшно„, “Таа ја имаше убавината на Грејс Кели, убедена сум дека нема потреба од операција“, „На почетокот мислев дека на сликите е Мелани Грифит, повеќе не личи на себе“, се само дел од коментарите.

Да потсетиме, Бесинџер веќе неколку години активно не снима филмови, а наводно со децении се бори со напади на паника и анксиозност. Таа е посветена на животните до максимум, а се шпекулираше дека некогаш имала езеро со пластични мачки, кучиња и патки, од кои секоја играчка имала име.

Сите беа едногласни - Ким го имаше „тоа нешто“, но беше и многу дива и каприциозна, а не беше имуна на алкохол, дрога и секс, како и на екстравагантно трошење пари... На врвот на кариерата таа го запознала Алек Болдвин и тоа додека заедно го снимале филмот „The Marrying Man“, а во подоцнежните години признала дека на првиот состанок ја прашал дали сака деца. Парот всушност разменил брачни завети во 1993 година, откако актерката поминала низ многу тежок професионален и финансиски период во кој прогласи и личен банкрот. Четири години помладиот Болдвин во тоа време беше нејзиниот најголем поддржувач и столб, а во 1995 година ја добија ќерката Ајрланд.

Само пет години подоцна ставија точка на бракот, со вистинска драма и низа навреди и обвинувања од двете страни. Како и да е, Алек среќата ја најде во својата нова сопруга Хиларија, со која има седум деца, додека Ким долги години е посветена на борбата за правата на животните и нивната грижа и спасување.

Извор: жена.блиц.рс

ФОТОч Инстаграм