Брза и лесна за подготовка: Кејт Мидлтон го откри рецептот за нејзината омилена торта!

Тортата на Кејт Мидлтон која го полуде светот!


Кејт Мидлтон едвај успева да готви со своите кралски должности и трите деца, но познато е дека нејзиниот омилен десерт е вкусна торта со темно пиво, што го крева чоколадото, најомилената храна, на уште повисоко ниво. Кадифената горчина на пивото и неодоливата сладост на чоколадото се совршена мешавина во ова вкусно задоволство.

Потребни намирници:

За пандишпанот:

-250 мл темно пиво,

-250 гр путер,

-75 гр какао во прав,

-400 гр шеќер во прав,

-150 мл павлака,

-2 јајца,

-1 лажица екстракт од ванила,

-275 гр брашно,

-2 и 1/2 лажички сода бикарбона

За филот:

-300 гр крем сирење,

-150 гр шеќер во прав,

-125 мл слатка павлака или шлаг


Начин на подготовка:

Загрејте ја рерната на 180 ° C и подгответе калап за торта со дијаметар од 23 см, кој треба да се подмачка и да се попрска со брашно или да се обложи со хартија за печење. Истурете го пивото во тенџере, додадете го путерот и загревајте додека путерот не се стопи. Потоа измешајте ги какаото и шеќерот. Изматете ја павлаката со миксер со јајцата и екстрактот од ванила, истурете ја во сад со пивото и путерот и измешајте го брашното и сода бикарбоната. Истурете го тестото во калап и печете 45 минути до еден час.

Оставете тортата да се излади целосно во калапот. За филот, добро измешајте го крем сирењето, додадете шеќер во прав и продолжете да матите. Подгответе ја слатката павлака или шлаг одделно за да направите цврста маса, а потоа полека измешајте ја во крем сирењето. Добиениот фил намачкајте го врз изладената торта и уживајте во совршениот вкус.

Бон апетит!


Фото: Profimedia

Можеби ќе ве интересира:

(Рецепт) Полнети домати со пармезан и лук: Уживање за целото семејство 

Мафини без брашно: Брз рецепт за колач со боровинки од само 3 состојки