Чоколадни коцки од неколку состојки: Нема печење, најтешко е чекањето додека се ладат во фрижидер
Станува збор за меки и фини колачи кои не се печат во рерна, туку се подготвуваат на шпорет...
Дали сте пробале „fudge“? Станува збор за меки колачи, кои наликуваат на бомбони од карамела и кои се подготвуваат на шпорет, а се прават од шеќер, путер и млеко. Најтешкиот дел во подготовката е чекањето додека се ладат во фрижидерот.
Состојки:
450 грама чоколадо за готвење;
400 милилитри кондензирано млеко;
60 грама путер;
2 лажици павлака за шлаг;
1 лажица екстрат од ванила;
прстофат сол;
чоколадни троши „Кибела“ за декорација.
Подготовка:
Исецкајте го чоколадото на ситни парчиња и растопете го на умерена температура на шпоред во кондензираното млеко, путерот и павлаката за шлаг, додека не добиете еднолична смеса. Чоколадната смеса зачинете ја со малку сол и со екстрат од ванила.
Смесата истурете ја во тавче, кое претходно е обложено со хартија за печење, а одозгора декорирајте со чоколадни трошки „Кибела“. Ставете ја во фрижидер за сето тоа да се зацврсти.
По неколку часа исечете го десертот на коцки и уживајте во одличниот вкус.
фото: Shutterstock
