Денес е Света Ефимија : Еве што треба да направат оние кои бараат работа

Денес, Македонската православна црква го одбележува денот на Светата великомаченичка или Ефтимија, девица која останала чиста во душата иако била во големи маки и пред големи предизвици за да не се занесе во идолопоклонството.

Eфефимија била убава девица во телото и душата.


Оваа светителка се празнува на 11 септември, на денот кога пострада. На ова место пак се спомнува чудотворноста на нејзините чесни мошти, пројавена на IV Вселенски Собор во Халкидон. Овој Собор беше свикан во времето на царот Маркијан и царицата Пулхерија во 451 година, по смртта на царот Теодосиј Помладиот. Повод за свикување на Четвртиот Собор беше ереста на Диоскор, патријарх Александриски, и на Евтихиј, архимандрит Цариградски. Тие го распростираа лажното учење дека во Христа да немало две природи, човечката и Божествената, туку само една, Божествената. На овој Собор највидна улога играа цариградскиот патријарх Анатолиј и јерусалимскиот патријарх Јувеналиј. Бидејќи со препирања и докажувања од две спротивни страни не може да се дојде до никакво одредено решение, патријархот Анатолиј предложи и православните и еретиците да го напишат своето исповедање, па да ги положат во ковчегот со моштите на Света Ефимија. Со ова се согласија сите. Двете вероисповедања, значи, беа напишани и ставени на градите на великомаченичката, ковчегот беше затворен и запечатен со царски печат и уште беше поставена војничка стража. Тогаш сите поминаа три дена во пост и во молитва. Четвртиот ден, кога го отворија гробот, го видоа православното исповедање во десната рака на светителката, а еретичкото под нејзините нозе. Така спорот се реши со Божја сила во корист на Православието. Во времето на царот Ираклиј моштите на света Ефимија беа пренесени од Халкидон во Цариград, во црквата што ѝ е посветена, близу хиподромот. Иконоборниот цар Лав Исавријанин нареди и ги фрлија моштите во морето; но на чудесен начин ковчегот беше пренесен на островот Лимнос и положен во црквата на Светата маченичка Гликерија. Дури во времето на царицата Ирина ковчегот со моштите беше повторно вратен во Цариград на своето старо место. Од овие мошти одвреме-навреме течеше крв, којашто им помагаше на болните и на неволните.

Eфимија почина во 304 година и се пресели во вечна радост. Оттогаш, христијаните го одбележуваат овој ден во спомен на Света Ефимија. На овој ден, според традицијата, сите млади девојки се потсетуваат зошто треба да останат девици, а како пример е цитирана Ефимија, која не се откажа дури ни под најголемите маки.


Се верува дека оние кои немаат работа можат да започнат со пребарување денес. Тие треба да ја искористат секоја можност да обезбедат суровини или да добијат паричен заем.


Извор: denovi.mk