Денес може да го видите само во музеј: Најубавиот фустан во историјата на Оскарите е чудо пред кој треперат вљубениците во модата

Не само што Кејт Бланшет го инспирираше овој фустан, туку и ги дизајнираше неговите најубави делови... и влезе во модните анали!

Австралиската актерка Кејт Бланшет е една од главните фаворити за освојување на Оскар на претстојната церемонија, бидејќи нејзината улога на Лидија Тар во филмот Tár ги одбележа изминатите месеци.

Во оваа продукција, познатата Кејт ја игра Лидија Тар, светски позната диригентка и композиторка, чија кариера пропаѓа по обвинувањата за сексуално вознемирување. Тоа би бил трет Оскар за актерката, која веќе го има добиено ова вредно признание за улогите во филмовите „Несреќната Јасмин“ и „Авијатичарот“, додека осум пати е номинирана.

За прв пат Кејт на Оскарите пристигна како една од номинираните актерки во 1999 година, кога се натпреваруваше за улогата во филмот „Елизабет“, а за оваа посебна прилика, дамата која важеше за кралица на црвениот тепих со години подготвила  - ремек дело кое се чувало во музејот.

Cate Blanchett at her first Oscars in 1999 pic.twitter.com/majQoB7SPE

— Letterboxd (@letterboxd) January 15, 2023

Кејт Бланшет потоа ги маѓепса сите со нереална креација на британскиот дизајнер Џон Галијано, плетен вечерен фустан од темно виолетова свила.

Тоалетот е украсен со извезени розови и виолетови цветови кои го врамуваат деколтето, а интересно е што тоа беше идејата на Кејт. На задната страна на фустанот е извезен колибри под коленото, додека задниот дел е покриен со проѕирна ткаенина, со уште една ситна колибри и многу цветни мотиви.

Интересно е тоа што колибриот бил инспириран од тетоважата во форма на овие птици што Кејт Бланшет ја има со години. Прекрасниот тоалет има ненаметлив крој на сирена, а го следи и краток топ.

Актерката го спои ова мало ремек дело со темно виолетови салонки со шпиц, додека носеше црвен кармин и ја пушти косата.

Недолго по доделувањето на Оскарите во 1999 година, овој фустан беше купен на анонимна аукција од страна на Џудит Хервиц Крап, која потоа го подари заедно со гореспоменатите чевли на музејот Ринглинг.

cate blanchett’s dress at the 1999 oscars >> pic.twitter.com/RNJZRvchQX

— sage (@blnchttaird) July 8, 2022

Бидејќи Кејт Бланшет сака да носи стара облека, не би се изненадиле доколку ги замоли кустосите да ѝ го позајмат стариот фустан и еден ден повторно да ја видиме на црвениот тепих...

Оваа награда Оскар е, инаку, многу важен ден во модната историја, и тоа не само поради фустанот на Џон Галијано кој го носеше Австралјката. Истиот ден, ја видовме Гвинет Палтроу, во фустан за кој се вели дека ја променил модната историја (многу прикладен откако си отиде дома со Оскар), додека канадската пејачка Селин Дион се појави во најинтересното одело кое до денес е видено на црвениот тепих.

ФОТО: Инстаграм