„Денешните стандарди за убавина се неподносливи! Таква сум-каква сум, и не ми е гајле за килограмите“: Пејачката кажа сѐ што треба да мислат денешните жени

Идеалот за убавина кој се наметнува на социјалните мрежи одамна замина. Девојките се сè понесигурни и придаваат преголема важност на својот изглед, гардероба, коса, нокти, шминка и други надворешни фактори.

Таканаречените филтeри се „основниот“ дел на секоја фотографија, а наметнатите очекувања се едноставно преголеми, па дури и познатите личности, според актерката и пејачка Селена Гомез, се борат со емоциите да не се вклопуваат во нив.

Така, Селена Гомез прозборе за апсурдните коментари кои ги добивала за нејзиниот изглед, а како што пренесува Bright Side, се започнало уште во 2015 година.

Откако ситуацијата излегла од контрола, таа решила да почне да оди на терапија за да се грижи за нејзината психичка состојба и оттогаш отворено зборува за борбата со лупусот и трансплантација на бубрег, кои се одразиле на нејзиното здравје, изглед и тежина.

„Многу варирам во тежината“, рече таа во интервју за Cosmopolitan во 2020 година, додавајќи дека морала да научи да има густа кожа во прилично рана фаза од нејзиниот живот.

По долги години борба, Селена одлучи да се исклучи од социјалните мрежи и тоа трае од 2017 година.

„Посреќна сум, поприсутна сум, повеќе се поврзувам со луѓето“, рече таа во 2019 година, за време на интервјуто на Канскиот филмски фестивал.

Таа нагласи колку социјалните мрежи се опасни и колку можат да бидат застрашувачки.

Во приказните на TikTok, кои беа споделени на нејзиниот најголем фан профил на Инстаграм, има видео од Селена како зборува за тоа што јаде и како не се грижи за килограмите:

„Значи, се обидувам да останам слаба, но отидов до „Џек во кутијата“ и добив 4 такоси, 3 кифлички со јајца, прстени од кромид и зачинет пилешки сендвич. Но искрено, не ми е грижа за тежината. Јас сум совршена таква каква што сум.

Селена ги моли обожавателите да бидат искрени и да внимаваат што им е важно во животот. Настојува да се држи настрана од лажни, нереални стандарди и наметнати слики. Така таа нагласи дека ранливоста е сила, а не слабост!