Девојче починало во сон по три дена откако дознале дека има коронавирус: Родителите со важно предупредување

Мекензи Гонгора од Сан Антонио, Тексас, починала во сон само три дена откако и беше дијагностициран вирусот корона, иако немала посериозни симптоми. Нејзините родители сакаат да ја предупредат јавноста дека Ковид-19 може да биде опасен и за децата.

Мајката ја однела деветгодишната ученичка во болница на 29 јануари, откако им се пожалила на вработените во дневната соба на главоболки и болки во стомакот. Тие и  измериле температура и рекле дека е покачена, а во болницата направиле тест за вирусот корона, кој бил позитивен.

Во интервју за „Today“, Ерика Гонгора, тетка на Мекензи, изјавила дека девојчето немало потешкотии со дишењето кога било испратена дома од воено-медицинскиот центар „Брук“.

- Тие и рекоа на снаата да ја однесе дома, да ја стутка во ќебе и да и ја следи температурата. Ако температурата се зголеми или се појават нови симптоми, треба веднаш да ја врати во болница.

„Во тоа време немаше потешкотии со дишењето или нешто слично“, додала тетката.

Следните неколку дена симптомите беа благи, а на 1 февруари Мекензи се пожалила на болки во стомакот и замор. Си легнала порано, а во раните утрински часови на 2 февруари починала во сон, пренесуваат светските медиуми.

Во следните часови биле тестирани таткото на Мекензи, Нејтан, припадник на Националната гарда на САД и нејзината помлада сестра Софија, кои исто така биле позитивни на ковид-19. Мајка Кристл веќе беше вакцинирана како медицинска работничка и тестот беше негативен.

Семејството не знае дали Мекензи имала други болести, но велат дека таа била многу ситна за нејзините години. Сега чекаат официјален извештај од медицински експерти за причините за смртта.

- Родителите на Мекензи ги следеа сите упатства на лекарот и лекарите се многу збунети што таа е меѓу децата кои починале од ковид - вели тетката на девојчето Ерика Гонгора.

Меѓудругото, родителите им порачуваат на сите да бидат многу внимателни и да не ги оставаат децата сами да спијат.

Фото/Извор: San Antonio Expres News