Еден од најзгодните актери ја запознал сопругата кога имал 18, а таа 42 години: „Веднаш знаев дека таа е мојата сродна душа“
Британскиот актер Арон Тејлор-Џонсон (31) неодамна беше „уловен“ како пие кафе и ужива со пријателите на сонце во Малибу, Калифорнија, а друштво му правеше 23-години постарата сопруга Сем.
И додека Арон ги покажа своите занесни мускули и машки имиџ, Сем, која инаку е фотограф и режисер, се одлучи за опуштена, спортска комбинација и прилично малку шминка. Вообичаено излегување на среќен пар, но нивното заедничко појавување секогаш ја интригира јавноста поради големата разлика во години и необичната љубовна приказна што ја споделуваат.
Арон ја запознал својата сопруга Сем (54) уште во 2008 година, кога имал само 18 години и можеби немало да има ништо чудно во тоа, доколку таа не беше повеќе од две децении постара од него!
Во моментот на средбата, оваа режисерка веќе имала 42 години, но актерот тврди дека во моментот кога ја видел знаел дека таа му е сродна душа и дека сака да го помине животот со неа:
„Веднаш знаев дека Сем е мојата сродна душа. Веднаш знаев дека сакам да го поминам остатокот од мојот живот со таа жена. Добро се сеќавам на тој ден, како и на денот кога ја запросив“.
Славниот Британец нагласи и дека никогаш не ја почувствувал разликата во годините меѓу себе и својата избраничка, објаснувајќи дека не можел да се споредува со ниту еден негов врсник кога имал 19 години, бидејќи веќе живеел живот кој нема никаква врска со стандардно воспитување.
„Знаев дека сакам семејство со неа, знаев дека сакам деца, а еден месец подоцна таа го чекаше нашето прво дете“, рече тој.
„Никогаш, ниту за секунда, не го почувствував јазот меѓу нас поради мојата возраст“, додаде Арон и истакна дека убавата русокоса е поостра и поенергична од него.
Двојката има и две деца - единаесетгодишната Вајлд и деветгодишната Рома, а Сем од претходниот брак има уште две ќерки.
Извор: zena.blic.rs
Foto: Instagram
