Едноставно умее да постигне WOW ефект со секое издание: Кралицата Летиција инспирира во црвено-црна комбинација

По повод Светскиот ден за борба против ракот, во Мадрид се одржа 11-тото издание на форумот во организација на здружението „Asociación Española Contra el Cáncer“. AECC е приватна непрофитна организација основана во 1953 година, фокусирана на превенција од рак и подобрување на условите за живот на пациентите заболени од рак.

Кралицата Летиција редовно учествува на форумот на AECC, па не го пропушти и овој, каде меѓу другото разговараше со пациентите и нивните семејства.

Кралицата одамна магистрирала во уметноста на соодветно облекување, па во оваа прилика била љубезна, како што доликува на ситуацијата и околината.

Таа од плакарот ја извади старата темноцрвена кожна јакна и докажаните салонки од брендот Magrit кои често ги носи и ги искомбинира со нов фустан. Станува збор за плетен модел на шпанскиот комерцијален моден бренд Mango во црна боја. Многу едноставен и разновиден миди фустан со долги ракави е дел од нивната нова колекција.

Многумина велат дека е лесно да се изгледа добро во скапа облека, а кралицата Летиција често ни покажува како истиот ефект може да се постигне и со прифатливи парчиња, бидејќи тајната на добриот стајлинг не е во парите, туку во стилот.

Како ви се допаѓа ова издание на убавата кралица?

Фото: Принтскрин Инстаграм