Елтон Џон апелира: Направете масовно тестирање за ХИВ, тоа е јадрото за ставање крај на појавата на нови случаи

Пејачот Елтон Џон им се придружи на водечките британски добротворни организации за борба против СИДА во повикот за масовно тестирање за ХИВ за стопирање на новото пренесување во земјата за една деценија, поради загриженоста дека вирусот ковид-19 влијаеше на пристапот до тестови и лекови.

По повод денешното одбележување на Светскиот ден на сидата, првата англиска комисија за ХИВ, чиј коосновач и познат пејач, ќе објави 20 препораки за искоренување на нови случаи на ХИВ до 2030 година, пренесува Ројтерс.

Се препорачува тестирањето за ХИВ да биде стандардна практика за пациентите кои се јавуваат кај нов лекар, се подложени на рутински тестови за брисеви или се примени на одделите за итни случаи во болницата.

„Едно нешто што научивме оваа година е важноста на тестирањето, а тестирањето за ХИВ е во срцето на завршувањето на новите случаи на ХИВ во Англија“, рече Џон, чија добротворна организација собра скоро половина милијарда долари за борба против ХИВ.

Во моментов, повеќе од 38 милиони луѓе ширум светот се заразени со ХИВ, а пандемијата на СИДА уби околу 33 милиони луѓе од почетокот на 80-тите години на минатиот век.

Фото: EPA