Филмска судбина: Поради земјотресот останаа без дом - српска актерка и хрватски музичар живеат во контејнер
Актерката Невена Вукес и нејзиниот сопруг, хрватскиот музичар Марко Вукес, го загубија својот дом во март минатата година, за време на страшниот земјотрес што ја погоди тогаш Хрватска.
Двајцата го продолжија својот живот во контејнер од 12 метри квадратни што им го подари општина Марија Бистрица, а сега конечно го градат својот нов дом.
Фактот што останаа без покрив над главата не влијаеше на Невена и Марко да ги симнат насмевките од нивните лица. Тие храбро се соочија со оваа ситуација и со многу љубов го средуваа контејнерот со недели, бидејќи стана нивен привремен дом.
Конечно летото, минатата година, тие започнаа да ја градат својата нова куќа.
- Го прифативме нашиот привремен дом - контејнер што општината ни го даде една недела по земјотресот. Статистичарот кој ни даде црвена ознака и одлука дека куќата повеќе не е за живеење, туку треба да биде срушена, нè советуваше да разгледаме друга локација за нова куќа, бидејќи блискиот рид започна да се руши од земјотресите. Тоа нè охрабри да дејствуваме брзо, па минатото лето започнавме да градиме нова куќа - објасни младата актерка за хрватското издание на списанието „Стори“, а нејзиниот сопруг Марко додаде:
- Тоа е монтажна куќа. Ние самите ја градиме, со помош на Бога и на нашите соседи. Убаво е да се работи со дрво, но треба да имате многу трпеливост и вештини. Се надеваме дека ќе можеме да се вселиме во неа на пролет.
- Чувствата што ги доживеавме на 22 март 2020 година не се променија. Тоа утро и двајцата добивме силна порака од Бога за тоа колку сме навистина мали и колку е смешно да планираме што било. Прекумерните планови ја оптоваруваат личноста и сè повеќе ја дистанцираат од неговата реалност. Благодарни сме што сме живи и здрави. Силниот земјотрес што го погоди Петриња и неговата околина дополнително ја уништи нашата куќа, но ние се простивме од неа уште во март. Жал ми е за луѓето кои загинаа во овој бран потреси. Ние длабоко сочувствуваме со сите семејства кои останаа без своите домови и сакаме Бог да им даде верба, сила и трпеливост за сите денови што следат - вели Невена.
Tие имаат и јуТјуб канал насловен „Нашиот нов почеток“ на кој документираат како го средуваат контенјерот, новата куќа, како им минуваат деновите.
