Galaxy Watch покажува силна корелација со клиничките и спортските научни уреди во студиите на Универзитетот во Мичиген
Функциите за следење на физичката кондиција на
Galaxy Watch беа темелно оценувани со помош на елитни тркачи за да се потврди
нивото на нивната точност
Samsung Electronics заедно со Универзитетот во Мичиген денес објавија дека Научниот центар за човечки перформанси и спорт при Универзитетот во Мичиген (HPSSC), познат по своите интегрирани и сеопфатни истражувања и едукација поврзани со спортот, вежбањето и човечките перформанси, ја потврди високата точност на функциите за следење на физичката кондиција на Samsung Galaxy Watch.
Мичигенската лабораторија за истражување на перформансите (MiPR) на HPSSC откри значајна корелација меѓу Galaxy Watch и референтните спортски и клинички научни уреди во мерењата на срцевата фреквенција, загубата на пот, VO2 max и процентот на телесни масти, потврдувајќи ја доверливоста на можностите за следење на Galaxy Watch. Ова партнерство покажува како соработката помеѓу двете организации донесува напредни и прецизни фитнес решенија до повеќе луѓе.
Студиите на MiPR ја потврдија точноста на функциите за следење на физичката кондиција на Galaxy Watch преку следење на клучни метрики кај елитни тркачи, вклучувајќи:
· Срцева фреквенција: Како најчесто проверувана здравствена метрика за време на вежбањето, срцевата фреквенција мери колку напорно работи срцето за време на физичка активност. Наодите покажуваат одлична корелација од 90% со електрокардиограмот при трчање, златен стандард во мерењето на срцевата фреквенција.
· Загуба на пот: Загубата на пот го проценува количеството на изгубени течности за време на физичка активност и помага во правилната хидратација по тренинг. Студијата откри корелација од 95% за Galaxy Watch во проценката на загуба на пот на различни растојанија, од 2,5 км до 20 км.
· VO2 max: Разбирањето на тоа колку кислород апсорбира телото за време на вежбање помага индивидуално да се оцени нивото на физичка кондиција и да се постават оптимални цели и граници. Студијата покажа корелација од 82%, што укажува на прифатливо усогласување меѓу Galaxy Watch и клиничката дијагностичка опрема.
· Процент на телесни масти: Мерењето на процентот на телесни масти на една личност овозможува подобро разбирање на физичкото здравје и кондиција отколку само следењето на телесната тежина. Мерењата со Galaxy Watch покажаа корелација од 95% со резултатите добиени со двоенергетска рендгенска дензиометрија (DEXA), стандардниот дијагностички тест за телесен состав кој користи ниски дози на рендген зраци.
„Горди сме што сме признати од реномираната Мичигенска лабораторија за истражување на перформансите — нивните вешти истражувачи и експертиза во технологијата на носиви уреди ни влеваат доверба во точноста на функциите за следење на физичката кондиција на Galaxy Watch,“ изјави д-р Хон Пак (Hon Pak), потпретседател и раководител на тимот за дигитално здравје во Mobile eXperience Business на Samsung Electronics. „Посветени сме на обезбедување прецизни и проникливи фитнес искуства преку стратешки партнерства и напредни истражувања.“
„Нашето партнерство со Samsung го покажува потенцијалот на комбинирање на водечка експертиза од индустријата со пионерски независни истражувања на академско ниво,“ изјави ко-главниот истражувач Адам Лепли (Adam Lepley), директор на MiPR и соработник-директор за истражување во HPSSC. „Заедно можеме да го унапредиме научното откритие и на корисниците да им обезбедиме информации кои ќе го подобрат користењето на технологијата на Samsung. Оваа синергија ја нагласува моќта на обединување на академскиот успех со индустриската иновација, и ние сме благодарни за оваа соработка.“
„Среќни сме што го продолжуваме нашето партнерство со Samsung за да осигуриме дека иновациите во технологијата на носиви уреди се достапни и точни кај сите сегменти од населението,“ изјави Кенет Козлоф (Kenneth Kozloff), соработник-директор на HPSSC. „HPSSC и MiPR едвај чекаат да ги откријат овие извонредни резултати кои ја зацврстуваат нашата посветеност на подобрување на следењето на срцевата фреквенција и целокупното здравје, и се радуваме на идните соработки.“
Следниве совети можат да го подобрат вашето фитнес патување со серијата Galaxy Watch, од поставување лични цели до закрепнување по тренинг:
· Телесен состав[1]: Добијте комплетен преглед на вашето тело, вклучувајќи процент на телесни масти, содржина на телесна вода и маса на скелетни мускули. Поставете персонализирани цели врз основа на вашата моментална телесна состојба и следете го вашиот напредок.
· Персонализирана зона на срцевата фреквенција: Креирање на персонализирана зона на срцевата фреквенција прилагодена на вашите активности ви овозможува да ги усогласите вашите цели за здравје и благосостојба и да тренирате на оптимални нивоа на интензитет според вашите физички способности.
· VO2 max[2]: Добијте подлабок увид во вашето ниво на физичка кондиција со анализа на тоа колку кислород користи вашето тело за време на физичка активност. VO2 max е широко признат како најдобар индикатор за кардиоваскуларна издржливост.
· Загуба на пот: По трчање, измерете ја загубата на пот и правилно хидрирајте се по секој тренинг врз основа на податоците за подобрување на закрепнувањето.
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
За HPSSC и MiPR
Научниот центар за човечки перформанси и спорт (HPSSC) поддржува и развива интегрирани и сеопфатни истражувања и едукација поврзани со спортот, вежбањето и човечките перформанси на Универзитетот во Мичиген. Преку иновативни и интердисциплинарни проекти, HPSSC настојува да ги пренесе откритијата од истражувањата за спорт и вежбање во заедниците од сите видови, возрасти и способности. Мичигенската лабораторија за истражување на перформансите (MiPR) на HPSSC им помага на елитните спортисти и секојдневните вежбачи да ги постигнат своите лични најдобри резултати. Тимот на MiPR ги истражува биомеханиката и физиологијата на човечкото движење за да го оптимизира функционирањето, да ја зголеми отпорноста на повреди и да обезбеди долгорочно здравје. Дознајте повеќе на: hpssc.umich.edu и на: hpssc.umich.edu/performance-lab.
[1]Мерењето на телесниот состав е поддржано само во серијата Samsung Galaxy Watch4 и во подоцна објавените модели на Galaxy Watch. Телесниот состав не треба да се мери ако имате вграден пејсмејкер или други вградени медицински уреди, или ако сте бремени. Секоја информација поврзана со здравјето, која се добива преку уредот и апликацијата, не треба да се третира како медицински совет. Резултатите од мерењата можеби нема да бидат точни ако сте на возраст под 20 години. Мерењата се само за ваша лична референца. Ве молиме консултирајте се со медицински професионалец за совет.
[2]За прецизно мерење на VO2 max е потребно трчање на отворено најмалку 20 минути со вклучен GPS; консултирајте го корисничкото упатство пред употреба.
ПР објава
