Ги врзаа моите раце и нозе и почнаа киретажа без анестезија: Во Хрватска протест за „акушерското насилство"

Во Хрватска, се појави еден вид на #MeToo движење, жените излегоа во знак на протест поради прекумерно страдање и злоупотреба со кои тие се соочуваат во текот на бременоста и породувањето.

Учесниците го нарекуваат овој тип на злоупотреба „акушерско насилство" и се жалат дека тоа се случува со децении.

Кога една пратеничка од опозицијата во Собранието во Хрватска зборуваше за своето искуство, дебата почна да се шири низ целата земја и на социјалните мрежи под хаштагот #PrekinimoSutnju.

Ивана Нинчевиќ-Лесандриќ опиша дека доживеала „средновековниот третман" по абортусот.

- Ги врзаа моите раце и нозе и почнаа киретажа без анестезија. Ова значи гребење на грлото на матката, внатрешен орган, без анестезија. Тоа беа најболните 30 минути од мојот живот- изјави таа и ги шокира сите. 

Министерот за здравје во Хрватска, Милан Кујунџиќ изјави дека приказната е плод на нејзината фантазија.

- Тоа не се случува во хрватските болници. Може да ми дадете медицински информации, ако сакате и јас ќе проверам- рече тој.

Како 400 жени ја прекинаа тишината

Сепак, многу жени скокнаа во нејзината одбрана, нарекувајќи ја храбра. Хрватска е претежно католичка земја, а многу отворено зборуваат за репродуктивното здравје на жените, кое се уште се забележува во духот на патријархалното општество.

Активистите од групата „Родители во акција“ (Рода), кои со години се обидуваат да укажат на овие проблеми, ги следат изјавите од ваквата кампања.

- За само еден викенд, пријавени се 400 жени кои доживеале слични трауми- вели портпаролката Данијева Драндиќ. Овие сведочења се снимени и предадени на Министерството за здравство.

- Имаме извештаи за биопсии кои се вршат без анестетици, медицински процедури за оплодување без анестезија и шиење после породување и епизиотомија без анестезија- вели таа.

Меѓу извештаите има и примери за тоа како жените се понижувани за време на породувањето.

- Додека имаше секс беше добро, е сега ќе биде болно. Те шиеме за да те сака сопругот- се само дел од болните изјави.

Една од тие 400 жени е Јасмина Фурлановиќ, која сѐ уште со солзи во нејзините очи, раскажува за болката што ја претрпела, кога пред неколку години морала да отиде на операција за вадење на плацентата. Оваа операција се прави по породувањето, ако по грешка дел од плацентата остане во телото на мајката.

- Тие ја започнаа постапката без никакво објаснување. Медицинската сестра ме чуваше- објасни Јасмина.

Министерството за здравство вели дека личното сведочење собрано од Рода вклучува „релативно мал број жени" и тешко е да се истражат, бидејќи биле анонимни.

Хрватскиот гинеколог Ула Мартон не беше изненадена кога слушна за изјавите на овие 400 жени.

- Ова е проблем со години, тоа е навика која тешко се менува. Тука е и недостатокот на време и недостатокот на професионалци. Кога се приклучивме кон Европската унија, многу анестезиолози ја напуштија земјата бидејќи има подобри работни услови во другите европски земји- објасни таа.

Жената која го започна сето ова во парламентот е воодушевена што конечно овој проблем излезе од сенката, но знае дека нејзината борба ќе биде тешка.

- Во моментов сите зборуваат за тоа. Тоа е голема промена, сега мора да најдеме решение за трајно решавање на проблемот- вели Нинчевиќ-Лешандриќ. 

Извор: BBC Zagreb