Го крие стомакот со моќен трик: Фустанот на кралицата Летиција, кој секоја жена ја претвора во заводничка
Шпанското кралско семејство присуствуваше на прославата на 175-годишнината од основањето на приватниот англиски клуб „Círculo del Liceo“ во Барселона, а шпанската кралица Летиција имаше улога да им оддаде посебно признание на поранешните претседатели на клубот.
Поводот повика на врвна елеганција, која секогаш е лесна задача за сопругата на кралот Фелипе Шести, а овој пат се надмина себеси!
Кралица Летиција од Шпанија се појави во величенствен фустан од Каролина Херера, еден од нејзините омилени кога е елеганцијата во прашање. Станува збор за модел во сина боја, долга и тесна тоалета што ја истакнува витката фигура на шпанската кралица, но лесно може да биде одлично парче ако сакате да го скриете вишокот во пределот на стомакот и колковите.
Имено, овој фустан е плисиран во горниот дел, а најмногу околу стомакот, што му дава простор на телото, но неговите набори се дијагонални и визуелно ја издолжуваат фигурата. Потесен е и горниот дел, додека од колковите оваа креација постепено се проширува и дава многу елегантен и дамски изглед.
Додајте на тоа дебелото ременче што паѓа на надлактицата и го открива едното рамо - и еве го, заводливо издание за паметење!
Кралицата Летиција го искомбинирала овој фустан со златни сандали од модната куќа „Џими Чу“, што за неа е вистинска реткост бидејќи преферира поевтини шпански модни куќи. Има и црно-златна чанта со букви од „Магрит“, како и најубавиот додаток: нејзината широка насмевка!
Извор: glossy.espreso.co.rs
