Го напушти училиштето а до 25 години го заработи првиот милион: Инфлуенсерка живее луксузен живот

Американката работи како модел и веќе успеа да си купи вила со базен во Мајами од својата заработка. Нејзините родители беа лути кога таа одлучи да го напушти училиштето на 21 година, но таа беше убедена дека ќе успее 

Инфлуенсерката Алекса Колинс, 25, има 1,2 милиони следбеници на Инстаграм и ужива во живото со своето момче Том Шилд (31), кој се занимава со недвижнини.

- Стигнав до милион следбеници во јули 2020 година и тоа беше одлично, но сакам да продолжам да растам. Сега сум милионерка, го заработив првиот милион долари непосредно пред да достигнам милион следбеници. Јас и мојот дечко дури успеавме да купиме куќа заедно. Имаме четири спални соби и базен. Многу е убаво за нашиот прв дом и многу сме возбудени што живееме заедно - раскажала таа.

Алекса пораснала во Палм Бич, Јужна Флорида и откако го промовираше својот профил на Инстаграм, го третира како бизнис.

- Отпрвин не гледав на тоа како работа со полно работно време, секогаш мислев дека тоа ќе биде нешто „од страна“, но знаев дека Инстаграм е вистинскиот начин да се заработи. Почнав да работам како 18-годишна манекенка и користев слики од модни снимања за да добијам што повеќе следбеници. Со текот на времето, станав нешто како инфлуенсер. Студирав комуникации три години, но решив да направам пауза пред минатата година и никогаш не се вратив. Ми требаа три години да видам како се развива и расте мојот бизнис, а потоа го напуштив училиштето затоа што сфатив што сакам да направам. Јас веќе работев со многу познати брендови и знаев дека имам многу деловни можности. Потребни ви се околу 50.000 следбеници за да започнете да заработувате, тогаш станувате микро-инфлуенсер. Моите родители не беа задоволни затоа што го напуштив училиштето. Нивната генерација не разбира што е Инстаграм или моќта на социјалните медиуми. Тие беа решени дека треба да го завршам училиштето, но им реков дека треба да ме слушаат, дека живееме во ново време и тоа е она што ќе го направам. Бев многу сигурна и се покажа како одлично - вели таа.

Алекса денес работи со брендови како PrettyLittleThing, Fashion Nova, Urban Decay и Tart Cosmetics.

Таа го зголеми својот број на следбеници објавувајќи постови двапати на ден, комуницирајќи со следбениците и „документирајќи го секој дел од нејзиниот живот“.

- Тоа ги интересираше луѓето. Луѓето сакаа да ме гледаат, па јас започнав да објавувам повеќе за мојот живот, мојата рутина и како одам на снимање и подготвувам материјал за Инстаграм. Почнав да создавам мала заедница каде што имаше мажи и жени. Од моментот кога ќе се разбудам, околу 7:30 часот, ќе го поминам целиот ден на социјалните мрежи, секогаш сум многу зафатена. Прво одговарам на следбениците, а потоа попладне создавам нов материјал, ја фотографирам стоката за разни брендови низ градот. Потоа, се враќам дома и морам да ги обработувам фотографиите, а имам и канал на „Јутјуб“, па морам да работам во врска со тоа - додава таа.

Денес Алекса живее во луксуз, патува низ целиот свет и нејзината гардероба е полна со дизајнерски парчиња.

- Патувањето е најдобриот дел од работата. Моето најдраго место на кое сум била е Хрватска, а ја посетив и цела Европа - откри таа.

Таа вели дека многу мажи и се јавуваат.

- Не знам колку му се допаѓа на мојот дечко. Многу мажи сакаат да ме изнесат на вечера и секогаш сум љубопитна кога некои sвезди се обидуваат да ме заведат и мене, но не сакам да зборувам за тоа за некој да не се најде во неволја. Досега бев поканета на состанок од американски фудбалери, актери и музичари. Но, јас сум во среќна врска и не одговарам на такви пораки - заклучи таа за „Сан“.

Извор: Сан/фото: Инстаграм