И јас сум дете
Не секогаш моите родители можеле да ми овозможат се што ќе сум посакала. Само знам дека светот го превртуваа наопачки за да јас не го почувствувам тоа. И секогаш бев свесна дека за јас да добијам подарок или пакетче на Нова Година двајцата го поместуваа универзумот само за да ме видат насмеана. А јас се сеќавам на нивните очи кога ме гледаа како љубопитно го отварам секој подарок, секое чоколатце во пакетчето и се потупанувам од слатки случувања.
Не секој родител може да го обезбеди тоа за нивното дете. И не секое дете има родител. Годинава беше доволно тешка за сите нас заедно. Јас и една екипа на преубави луѓе, Бомбакис, Туте, Маги и Таше ве повикуваме да донирате едно пакетче, било какво пакетче по ваш избор и можности и да го оставите во Систем Паб во Три Бисери. Ние ќе го однесеме кај дечињата кои нема да имаат друга шанса за насмевка плус годинава. Бомбакис и Туте направија една совршена песна за сите деца која наскоро ќе може да ја слушнете, а за возврат ќе ве запишат на крај на видеото.
Вие може да донирате до 10.12, слободно напишете и некој убав збор на картичка внатре, сите ние заедно сме многу посилни од сите неубави случувања во светов. Вклучите се поактивно во целата кампања, направете картон и напишете И јас сум дете, тагнете не и проширете ја пораката. Децата се уште веруваат во Дедо Мраз, ајде да им докажеме дека постои.
Намасте.
За Женски Магазин, Ивана Кнез
