И лекарот заплака: Исповед на жена која загуби близнаци пред да се породи

Алисон Драпер од Јута ја сподели со јавноста нејзината интимна приказна за абортусот што го имала на 40 години.

Таа носела близнаци, а интервенцијата требало да се изврши само неколку дена пред датумот за породување. Кога вестта се проширила, Алисон била мета на осуда и најстрашни навреди на општеството. Затоа решила да му објасни на светот зошто морала да го стори тоа и што всушност е скриено во позадина.

„Едно од близнаците што ги носев беше мртво, а другото имаше прекин на 'рбетниот мозок. Тоа беше во толку тешка состојба што мозокот му се развиваше надвор од главата. Немаше шанси тоа да преживее, и ниту едно медицинско чудо не можеше да го спаси.
Нашите соништа беа разнишани. Имав 40 години и знаев дека нема да можам повторно да родам “, истакна несреќната Алисон. 

Додека ја чекала етичката комисија да донесе одлука за судбината на близнаците, Алисон плачела со часови во болнички кревет.

„Моето здравје беше загрозено поради мртвиот фетус. Мојот сопруг и јас, исто така, се советувавме со епископот кој ни рече да го направиме тоа што треба да го направиме. Тој ме потсети дека имам уште шест деца на кои им треба мајка “, изјави таа, додавајќи дека самиот процес бил ужасен.

„Абортусот беше ужасен, иако сè беше направено како што треба. Тие ги отстраниле фетусите со царски рез, а бебето кое било живо наскоро починало. Дури и лекарот што ја спроведе постапката беше вознемирен од ситуацијата. После тоа, страдав од посттрауматски стрес со години“, тврди Алисон.

Извор: beo365grad.info

8 „Бабини деветини“ за бременост што се покажале како вистина