Има добра причина за тоа: Мајка не купила ново парче облека цели 10 години
На својот профил на
Инстаграм, една мајка споделува фотографии од
комбинации на облека и совети за тоа како да купувате паметно и да ја
заштитувате животната околина секој ден.
Ана Килпатрик (47) е самохрана мајка на две деца, која веќе десет години не одела на шопинг и не купила ново парче облека. Таа добила се што и требало во продавниците за second hand (половна употреба) или го позајмила од пријателки - токму така заштедила многу пари, пренесува Miror.
На својот профил на Инстаграм, таа споделува фотографии од комбинации на облека и совети за тоа како да купувате паметно и да ја заштитувате околината секој ден. Она што е најинтересно кај оваа 47-годишна дама е тоа што таа носи претежно дизајнерска облека, а некои од парчињата се носени само еднаш или никогаш.
Иако порано трошела многу пари месечно за нова облека, денес таа гордо зборува за својата штедливост.
- Ги носам критиките на луѓето за местото каде што купувам облека како медал - рече таа.
- За мене е страшно што по неколку носења, луѓето фрлаат облека за која требало да потрошат многу енергија и пари за да ја купат. Со овој начин на купување, имам многу повозбудлива, но и далеку поквалитетна облека во споредба со порано - рече таа.
На прашањето што друго ја поттикнало да започне да посветува толку многу внимание на тоа што купува и каде, Ана вели дека го сменила погледот кон модата во 2008 година кога се преселила со своите два сина во селото Форест Ров, во источен Сасекс - далеку од брзиот начин на живот и далеку од улица со бутици од популарни брендови, кои веќе не и биле лесно достапни.
Таа, преку Инстаграм сака да ги охрабри луѓето да започнат да живеат на овој начин на живот.
Фото: Instagram/not.needing.new
Moжеби ќе ве интересира:
(ФОТО) Топ 5 зимски стајлинзи за моќен изглед