Јавна честитка од родителите: Снеже Велков слави јубилеен 40-ти роденден
Минатата година славеше покрај езеро, оваа доби посебна честитка...
Познатата ТВ водителка Снеже Велков денес има голем повод за славење, а тоа е нејзиниот 40-ти роденден. Овој јубилеј го најави уште вчера на својот Инстаграм профил со интересно видео во кое ги сподели за неа важните моментите од изминатата година.
„Во пресрет на новата ми деценија да им кажа фала на моите 39.“ - стоеше во описот на видеото.
Дека е задоволна од она што ѝ се случувало во изминатата година потврди и споменатото видео, а дека за нејзините најблиски е нешто посебно, откри со едно од сторињата кои исто така ги објави на Инстаграм. Имено, со своите следбеници сподели како нејзините родители ѝ го честитале роденденот,а мора да признаеме дека се навистина уникатни.
„Значи цареви. Мајка ми и татко ми ми честитаат роденден преку СМС порака и музичка желба на телевизијата Balkan music“ - напиша Снеже во рамките на сторито, на кое ја има уловено пораката од нејзините родители.
фото: Принскрин / Инстаграм
