Каролина го остави срцето на сцена: Емотивна изведба на нејзин голем хит во Нирнберг (ВИДЕО)

Добивај вести на Viber

Поп-дивата Каролина Гочева изминатава недела е на турнеја во Германија, каде одржува концерти за нашинците.

По концертот во Штутгарт, пејачката одржа концерт во Нирнберг, каде буквално го остави срцето на сцена.

Пееше заедно со присутните, а најемотивниот момент Каролина го сподели на социјалните мрежи. Додека го пее нејзиниот голем хит „Не се враќаш“ со изменет аранжман цела публика пее во хор со неа.

„Нирнберг, ви благодарам за преубавиот почеток на оваа недела“, напиша Каролина.

„Уф што емоции беа тоа, среќен сум што присуствував на овој незаборавен настан. Благодариме од срце и да ни дојдеш пак што побрзо“, „Преубав концерт. Големо браво за нашето битолско чупе“, се дел од коментарите.

Каролина за овој настап била облечена во креација на македонската модна дизајнерка Јована Филиповиќ, додека за стајлингот се погрижила Јована Зука.

Каролина денес ќе одржи концерт во Дизелдорф.

Фото: Филип Зиков