Кејт Мидлтон му испратила отровни стрели на принцот Хари?! Еве што рекла принцезата
Кејт Мидлтон изненади со својата изјава при првото
појавување во јавноста со принцот Вилијам откако неговиот брат, принцот Хари,
објави мемоари. Принцезата од Велс и нејзиниот сопруг ја посетија добротворната
организација за ментално здравје Open Door.
За време на посетата тие разговараа со неколку тинејџери кои се занимаваат со различни активности за лекување на менталното здравје, како уметност и танц. Британски The Sun објави дека Кејт ги прашала дали им помага правењето музика и учеството во креативни работилници.
Едно момче одговорило дека свирењето музика му помага да ги изрази своите емоции преку нешто во кое ужива. „Да се произведува музика и на тој начин да се покаже она што го чувствуваш е подобро отколку да престојуваш во клинички институции“, изјави тој.
Принцезата од Велс потоа изговори реплика за која многумина мислеа дека е посветена на војводата од Сасекс. „Терапиите со зборување навистина не им помагаат на сите. Важно е да се одржи континуитетот“, рече Кејт, додавајќи дека „денес сите зборуваат за менталното здравје“.
Хари во книгата напишал дека бил на терапија поради тепачката со Вилијам
Инаку, принцот Хари во својата книга напишал дека го повикал својот терапевт затоа што наводно бил физички нападнат од принцот Вилијам по расправија. Војводата од Сасекс тврди дека неговиот постар брат му нанел видливи повреди по расправијата за неговата сопруга Меган Маркл.
Претходно Вилијам и Кејт посетија болница во Ливерпул, а беа пречекани од бројни новинари кои речиси на секој чекор им поставуваа прашања. Претставниците на медиумите најмногу ги интересираше мислењето на Вилијам и Кејт за книгата на Хари, но тие решија целосно да ги игнорираат сите прашања и се правеа дека не го слушаат или гледаат печатот.
Фото: Youtube - screenshoot
