Ќерката на сопственикот на Зара е негова најдобра реклама: Стилот на Марта Ортега е доказ дека модерното не значи токсично скапо

Наследничката на модната империја е подвижен доказ дека добриот стил не е „фрлање“ еден тон пари!

Марта Ортега, наследничката на најголемата модна империја, е фотографирана на коњички трки во интересна облека, во која доминира палто во песок боја со интересни детали.

Марта Ортега важи за една од најстилизираните жени која се води по слоганот помалку е повеќе. Деновиве таа и нејзиното семејство се појавија на меѓународниот натпревар на коњи во Мадрид, на кој учествуваа и коњи од нивниот семеен имот.

Наследникот на империјата Inditex, која ги поседува модните брендови Zara, Bershka, Pull & Bear, Stradivarius, Massimo Dutti, Oysho, Zara Home и Uterqüe, често може да се види во комбинации создадени од парчиња потпишани од високо „стрит“ брендовите на нејзиниот татко, но и скапи парчиња со дизајнерски потпис, што беше случај и овој пат.

Пристигнувајќи на трибините, 37-годишната жена од Шпанија го привлече вниманието со стајлинг во кој доминираше ефектниот капут со потписот на модната куќа Валентино. 

Во комбинација на камила и црвена боја, со детали на цветен принт, таа комбинираше ефектен капут со плетена долче вита во идентична боја.

Елегантната нота на овие две парчиња ја омекнаа трендовските панталони во маслинесто зелена боја и персонализираните патики Waffle One со потпис на брендот Nike.

Кога станува збор за стилот на Марта, нејзината деловна определба во светот на модата во најпознатиот хај-стрит бренд Зара ни кажува многу.

Иако има ретки фотографии и јавни настапи кои ја покажуваат разликата помеѓу нејзиниот деловен и приватен стајлинг, најчесто има парчиња од колекциите на Зара кои таа сака да ги комбинира со дизајнерски парчиња. 

Фото: Профимедиа