Кога се запознале, таа била во брак со – Ричард Гир: Кој е човекот кој го поседува срцето на Синди Крафорд повеќе од 26 години?
Супермоделот од деведесетите не крие која е главната причина за нејзината брачна среќа и што ѝ помогнало нејзе и нејзиниот сопруг да преживеат многу бури повеќе од четвртина век колку што се заедно.
Американската манекенка Синди Крафорд, една од најпопуларните жени во историјата на манекенството, отсекогаш била тивко страдање на милиони, а во раните деведесетти на Ричард Гир му завидувале „половина свет“ поради бракот со неа.
Се испостави дека оваа љубов била краткотрајна, а манекенката останала мистериозна кога е во прашање нејзината приватност, што - колку што е можно за таква ѕвезда - е вистина и денес.
Познато е дека Синди од 1998 година е во брак со бизнисменот Ренди Гербер, со кој има две деца, а манекенката во ретки прилики откривала некои детали за нивната врска и брак.
Како се заљубија Синди Крафорд и Ренди Гербер?
Кога се запознале, и двајцата биле зафатени. Синди сè уште беше во брак со Гир, кој не ја придружуваше на една свадба и... останатото е историја.
- Се запознавме на свадбата на мојот агент - изјави еднаш Синди Крафорд за Харперс Базар.
-Кога го запознав, сè уште бев со Ричард, кој не сакаше да оди на свадба со мене... Ренди тогаш имаше и девојка, па не бараше некого, а тоа е најдобро време да запознаеш некого затоа што си вистински. Станавме пријатели и, откако Ричард и јас раскинавме, почнавме да се гледаме.
Синди и Ренди се венчаа во мај 1998 година, на островот Рај на Бахамите, каде што собраа околу деведесет гости. Манекенката носеше мини фустан на Џон Галијано за да размени завети на плажа.
И додека нејзините славни колешки добија венчаници создадени специјално за нив, Синди носеше постоечки модел од продавницата затоа што сакаше се да држи во тајност.
Семејниот живот на Синди Крафорд
Тие заедно го добија синот Присли Вокер Гербер во 1999 година, а потоа во 2001 година се роди нивната ќерка Каја Џордан Гербер, која сега и самата е успешна манекенка.
Синди и Ренди се едни од омилените славни парови на американските папараци - можеби не делат многу од својата приватност, но можете да ги видите секој ден на романтични ручеци и вечери, шетање, бакнување, смеење, опуштање со пријателите... Баш како на почетокот на врската.
- Дефинитивно, имавме хемија, но имавме и пријателство и мислам дека тоа е одлична основа за брак. Затоа што дури и кога поминувате низ стресни времиња, ги третирате пријателите со почит, разбирање и сочувство - изјави Синди за People на почетокот на оваа година.
- Имам чувство дека ни помогна да надминеме 25 години и некои бури.
ФОТО: Инстаграм/Пинтрест
