Кристина го победи ракот, но не и другата болест: Нејзината состојба се влошува - „Не можам да одам без бастун, секој чекор е болен“

Добивај вести на Viber

Фото: TheImageDirect.com / The Image Direct / Profimedia

Познатата актерка Кристина Еплгејт е сè полошо поради болеста што ја зафати пред две години

Во едно неодамнешно интервју, актерката Кристина Еплгејт зборуваше за тоа како ѝ е откако дозна дека боледува од мултиплекс склероза, која ѝ го промени животот. Имено, актерката веќе две години се бори со последиците од тешката болест.

Секое појавување во јавноста е многу тешко за неа, бидејќи мора да користи помагала како бастун и инвалидска количка. Кристина овој пат се појави на доделувањето на наградите „SAG“, придружувана од нејзината 12-годишна ќерка, која ја држеше за рака додека со другата рака се потпираше на стап на кој пишуваше: „FU MS“ (e*и се мултиплекс склероза ).

„Прв пат ќе ме видите таква каква што сум. Не можам да одам без бастун, секој чекор е болен, а знам дека поради болеста и јас се здебелив. Сакам луѓето да знаат дека сум болно свесна за сè“, рече актерката во една прилика.

@news.com.au  #christinaapplegate #sagawards #multiplesclerosis #foryou

Актерката ја шокираше и јавноста кога рече дека ова е веројатно последното доделување на награди на кое ќе присуствува.

„Ова е веројатно моето последно доделување на награди на кое одам како актерка, така што е голема работа. Во моментов, не можам да замислам да станам во 5 часот наутро и да поминам 12 до 14 часа на снимање; не го имам во мене тоа во моментов“, изјави таа за „Лос Анџелес Тајмс“.

Ова не е првпат таа да се соочи со сериозна дијагноза. Имено, актерката пред пет години беше успешно излечена од рак на дојка, но целиот процес беше и многу стресен и болен и физички и психички. По операцијата таа му се врати на јавниот живот, на снимањето и се чинеше дека е сè во ред додека минатата година не доживеа нов шок.