Ме плукаа и навредуваа: Глува и без коса поради синдром кој го имаат 30 луѓе во светот, денес го живее својот сон
Британката е родена со редок синдром и била малтретирана во текот на целиот живот. Мислела и да крене рака на себе, но ги надминала сите неволји и станала модел, за кој отсекогаш сонувала
Хана Харпин (18) од Мирфилд, Западен Јоркшир, имала тежок живот поради ектодермална дисплазија, редок вид познат како синдром Хеј-Велс, кој погодува само 30 луѓе ширум светот.
Поради нејзината состојба, што влијае на абнормалниот развој на нејзината кожа, коса, нокти, заби и очи, таа нема коса и е глува, а поради нејзиниот изглед, многумина со години ја навредувале и малтретирале.
- Ме малтретираа поголемиот дел од мојот живот. Случајни минувачи на патот ме навредуваа затоа што бев ќелава и претпоставуваа дека имам рак. Едно момче дури и ме плукна додека неговиот пријател го снимаше тоа. Поради сето ова, со години размислував да кренам рака на себе. Но, сега конечно сум силна и се надевам дека ќе ја разбијам стигмата околу моделите со попреченост - истакнала Хана.
Таа потпишала договор со британска агенција за моделирање и се надева дека тоа ќе биде платформа преку која ќе може да ја испраќа својата порака.
- Многу ми значи дека ја започнав мојата манекенска кариера, можам да се поврзам со многу луѓе и да им помагам на оние како мене - вели таа.
И покрај предизвиците што и претстојат, Хана отсекогаш сонувала за кариера на модел и рушење на стереотипите во индустријата.
- Кога бев мала, сакав да бидам модел, но сите ми велеа дека е невозможно. Сакам да бидам модел за да можам да се борам против дискриминацијата затоа што верувам дека секој треба да има еднакви права и да биде на исто ниво. Ако сите работиме заедно, мислам дека можеме да го постигнеме тоа и целата моја кариера ќе оди во таа насока - вели Хана.
Таа потпишала договор со Зебеди Менаџмент, специјализиран за ‘различни’ модели и страствено сака да ги редефинира концептите за убавина и попреченост.
Иако очекува да има препреки на нејзиниот пат, Хана се надева дека еден ден ќе го прошета светот и ќе ја прошета пистата како модел на Барбери.
„Многу ќе ми значи и си ветив себеси дека ќе им помагам на луѓето и ќе си создадам наследството“, вели таа.
Открила и како носењето перика и помагала во самодовербата, но ја прифатила и ќелавоста.
- Ги сакам моите перики, особено оние со долга коса, а исто така сакам да рецензирам перики за оние кои се борат со опаѓање на косата. Единствено жалам што периките со вистинска коса се толку скапи. Се сеќавам дека плачев кога бев дете затоа што немав коса. Бев љубоморна на другите деца, но сега ја прифаќам мојата ќелавост и тоа навистина ме зајакнува“, вели Хана.
Таа веќе им помогнала на некои кои се борат со опаѓање на косата од медицински причини донирајќи им некои од своите перики и планира да започне добротворна организација за продолжување на практиката.
- Во ред е да бидете тоа што сте, омразата го прави срцето постаро, а поради љубовта срцето расте. Ако видите каква било дискриминација, смирено и во четири очи, објаснете му на тоа лице што прави наместо да поттикнува поголема омраза. Ширете љубов, а не омраза и сакајте се - заклучила таа за Дејли Меил.
Извор: Дејли Меил
Фото: Инстаграм