Моментот кога Меган Маркл ја исмева кралицата ги налути Британците: Хари замрзнато ја гледа (ВИДЕО)

Добивај вести на Viber

Пратениците на Велика Британија браат одземање на титулите на Хари и Меган!

Иако во нивната нова документарна серија Меган Маркл и принцот Хари вртат стара и добро позната приказна, еден елемент е нов: навреда за монархијата, покојната Елизабета Втора, семејството на Хари, британските традиции... и сето тоа проследено со кикотење.

Принцот Хари (38) и Меган Маркл (41) зборуваа во најголема мера за она што веќе сме го слушнале, дека не им било удобно во британското кралско семејство, дека Меган доживеала расистички испади од семејството и јавноста, дека папараците ја бркале, новинарите ја навредувале...

Сепак, беа откриени уште неколку работи кои не ги знаевме, како што е нејзината прва средба со принцот Вилијам и Кејт Мидлтон, како всушност се запознале итн.

Но, ништо повеќе не се зборува по објавувањето на серијата од моментот кога Меган Маркл се отвори за нејзиното запознавање со кралицата. Имено, кога требало да ја запознае Елизабета Втора, бабата на Хари, на почетокот не сфатила колку е важно, дека ќе мора да ѝ се поклони, ниту знаела како точно да го направи тоа.

- Дури тогаш почнувам да сфаќам колку е тоа важно. Мислам, Американците ќе го разберат ова, бидејќи имаме вечери инспирирани од средниот век. Па, ова беше такво нешто. Божем, се поклонив... Чест ми е Ваше височество - рече Меган и се поклони премногу длабоко со раширени раце, пукајќи од смеа, објаснувајќи го тој момент.

- Беше толку интензивно - рече таа и истакна дека сестрата на Хари од неговиот вујко принцезата Јуџин и Беатрис го пофалиле нејзиниот поклон кон кралицата.

За тоа време, додека Меган бурно се смее на обичаите на земјата на потекло на нејзиниот сопруг, неговото семејство и вредностите што ги учел уште од мали нозе, принцот Хари ја гледа со замрзнат израз на лицето.

ВИДЕО:

„Само погледнете го, сака да потоне во земја“, „Ова е моментот кога сфати што направил со својот живот“, „Таа се жали на расизам, а потоа се однесува како ксенофоб“... се дел од коментарите.

Многумина одат дотаму што секое прекумерно клањање на Меган кон кралицата, во текот на нејзиниот животот и по смртта го толкуваат како потсмев.

Меѓутоа, не реагираше бурно само британската јавност. Медиумите се преплавени со реакции од различни познати личности на непочитувањето покажано во овој дел од серијата, при што пратеникот во парламентот на Обединетото Кралство Марк Џенкинсон го повика кралот Чарлс III да му ги одземе на својот син и снаа нивните титули Војвода и Војвотка од Сасекс.

– Како некој кој е член на парламентот во Сасекс, кој е роден во Сасекс и живеел во него најголемиот дел од својот живот... Мислам дека е време да му се одземе оваа титула на некој кој очигледно не ја почитува – изјави Џенкинсон.