На познатата пејачка ѝ е дијагностициран четврт стадиум на рак на белите дробови: Канцерот се проширил на мозокот, нејзината ќерка бара помош
На познатата пејачка Кети Браун, позната по хитовите „Turn Me Out“ и „Strings of Life“, ѝ е дијагностициран рак на белите дробови во четврта фаза. Злобната болест се проширила во мозокот. Нејзината ќерка се огласи и упати важен апел.
На пејачката Кети Браун (63) кон крајот на минатата година ѝ беше дијагностициран рак на белите дробови во четврта фаза, откако беше примена на интензивна нега во болница во нејзиниот роден град Чарлстон, Јужна Каролина.
Направена е операција за намалување на отокот на нејзиниот мозок, ѕвездата моментално е на радиотерапија и имунотерапија. Нејзината ќерка, Чанта Џојнер, започна кампања GoFundMe за собирање средства неопходни за лекување на нејзината мајка.
„Како и повеќето уметници кои ги посветиле своите кариери на денс музика, без можност за изведување ВО ЖИВО, шансите да заработат пари се мали.
Мајка ми го остава своето срце и душа на сцената и на подиумот за танцување низ светот повеќе од 30 години, а сега и треба вашата љубов и поддршка повеќе од кога било.
Јас и моите браќа и сестри ќе направиме сѐ за да се грижиме за неа, но трошоците со кои се соочуваме, медицинските трошоци и месечните сметки се огромни.
Мајка ми ја заслужува најдобрата грижа и нега што можат да ја купат парите. Знам дека има илјадници обожаватели ширум светот кои го обожаваат нејзиниот глас и убавиот дух.
Ве молиме размислете да дадете придонес за да ѝ помогнете на Кети, да и помогнете во неделите и месеците што следат. Revival, издавачка куќа со седиште во Лондон со која таа неодамна соработуваше, понуди помош до 10.000 долари.
Да и покажеме на мајка ми дека заедницата на денс музиката е навистина пошироко семејство кое ги поддржува членовите не само во добри времиња, туку и во тешки времиња . Ви благодариме за љубовта, поддршката и многуте пораки што ги објавивте и испративте до Кети. Ви ветувам дека таа гледа сѐ и дека и значат“, пишува Дејли Мејл.
Досега се собрани 25.000 долари.
Foto: Youtube / screenshot
