Не фаворизираме фирми за учебниците: Министерот Адеми за Фактор

Основците ќе учат по нови законски правила од следниот септември. До тогаш Министерството за образование ќе успее да го подготви новиот закон за основно образование, но и да го имплементира. Во интервју за Фактор министерот за образование Арбер Адеми ветува дека реформите ќе се реализираат до овој рок, иако првично идејата беше новиот закон да е готвов и да функционира годинава. Министерот ги одговори прашањата писмено, а во интервјуто тој зборува и за учебниците и тендерите кои ги спроведува Министерството на кои според податоците најчесто договорите се склучуваат со две изадвачки куќи. Адеми вели дека не фаворизира никого, ниту пак дека има политика во изборот на рецензенти за учебниците.