Нема шанса да погодите која е мајка која е ќерка: Излегуваат заедно, носат иста облека - многумина велат дека се многу чудни
Едната има 44 години, а другата 22 години - тие се мајка и ќерка, но изгледаат како близначки
Џоли Дијаз (45) живее во Калифорнија и има репутација на една од најсексапилните мајки на денешницата. Имено, таа е исклучително младолика - толку многу што сите мислат дека нејзината ќерка е всушност нејзина сестра!
„Помлади мажи ме бараат на состаноци, но јас најчесто ги одбивам. Имам впечаток дека направиле лажна слика за мене врз основа на мојот Инстаграм профил", вели Џоли, која дома има возрасна ќерка. Иако се разведе од сопругот пред 14 години, Џоли не се откажува од мажите, па често излегува со својата ќерка.
„Кога помлади мажи ме бараат да излеземе, ми е подеднакво ласкаво како кога тоа го прават мажи на моја возраст. Мислам дека е потребна голема храброст да му пријдеш на некого и да го прашаш. Мислам дека помладите мажи се повеќе склони да фантазираат да се со постара жена, додека постарите мажи се прагматични“, заклучува таа.
„Годините не ми се проблем, но сакам да најдам со кого да пораснам, да станам подобра. Не сакам да излегувам со некој кој само сака да се забавува“.
Џоли и нејзината ќерка често излегуваат на двојни состаноци:
„Кога двете сме во врска, често одиме на куглање, планинарење или на плажа со момчињата...Мелани постојано ме прашува за љубовни совети и за состаноци. Ми годи што ми верува!"
Џоли стана светска сензација кога нејзините слики се појавија во медиумите. Никој не можеше да замисли дека четириесетгодишна жена може да изгледа толку младешки.
Но, и покрај нејзината популарност, Џоли сè уште не ја нашла љубовта на својот живот:
„Преферирам амбициозни, мотивирани мажи, полни со самодоверба... Мора да може да придонесува финансиски, но и емотивно. Мора да сака кучиња, бидејќи јас имам златен ретривер. Мора да е дружељубив, но и физички активен. Тоа ми е важно“, вели Џоли!
Извор: stil.kurir.rs
