Нов скандал со Кардашијанс: Поранешен телохранител ја тужи Крис Џенер за сексуално вознемирување!

Тој тврди дека се соблекла гола пред него и го допирала на интимни места без негова согласност

Марк Мек Вилијамс, кој работеше како телохранител за семејството Кардашијан од 2017 до 2019 година, на крајот на 2020 година поднесе обвинение против Крис Џенер (65). Тој изјави дека таа покажала „образец на несакано и непристојно сексуално однесување“.

Мек Вилијамс тврди дека на работното место доживеал „сексуално вознемирување, непријателско работно опкружување, расна и родова дискриминација“. За сексуалното вознемирување, тој изјавил дека Крис го допирала по задникот и препоните и излегла гола пред него.

Во подоцнежниот извештај, телохранителот додаде дека Крис „го масирала на вратот, рамената, рацете и грбот“ без негово одобрување, а потоа и ја ставила раката на бутовите и се триела од него на сексуален начин.

Покрај Крис, Мек Вилијамс ја тужи и нејзината ќерка Кортни Кардашијан (42), затоа што во времето кога тој работел за семејството, мајката и ќерката делеле телохранител. 

Џенер целосно ги негираше тврдењата и обвинувањата на нејзиниот поранешен вработен.

„Крис Џенер и Кортни Кардашијан целосно ги негираат лажните тврдења на поранешниот телохранител Марк Мек Вилијамс“, рече семејниот адвокат.

Адвокатите на семејството исто така тврдеа дека Мек Вилијамс не работел директно со членовите на кланот Кардашијан откако неколку пати го затекнале како спие во автомобил на работа.

„Откако Крис и Кортни ја добија оваа несериозна судска постапка, тие имаат намера веднаш да ги тужат Мекилијамс и неговите адвокати за злонамерен прогон и недокажани обвиненија“, рекоа адвокатите на Кардашијан.

Сега телохранителот додаде нов дел од обвинението.

„Тужителот се обидува да ја надомести штетата предизвикана од несакано сексуално  вознемирување. Тужителот повеќе пати се жалел на властите и човечките ресурси, но работодавачот не презел никакви мерки", се вели во новото обвинение.


Фото: Profimedia

Moжеби ќе ве интересира:

По разводот направи голема промена: Ким Кардашијан непрепознатлива