Пред него „паѓаа“ многу жени, а тој тажеше за неа: Која е жената која засекогаш му го заклучи срцето на Антонио Бандерас?

Познатиот холивудски заводник наполни 62 години

Шпанскиот заводник Хозе Антонио Домингез Бандерас со години важи за еден од најатрактивните и најпосакуваните мажи во светот.

За повеќе од 40 години кариера се прослави со многу улоги и постигна завидна кариера на која многумина можат да позавидат.

Покрај големите улоги, Бандерас со години го привлекува вниманието и со приватниот живот, а најмногу со бракот со Мелани Грифит.

Иако изгледа сосема неверојатно, тој никогаш не се стремел да биде актер. Уште како момче Бандерас сакал да стане фудбалер, но кога имал 14 години ја скршил ногата и тие соништа исчезнале засекогаш.

Случајно отишол во драмското училиште АРА, а потоа се обидел во театарот, каде што ја добил својата прва работа. Режисерот Педро Алмодовар го поканил на аудиција за филмот „Лавиринт на страста“ во 1982 година и тогаш започнува неговата актерска кариера. 

Потоа следуваше улога во филмот „Законот на страста“ во кој глумеше хомосексуалец, а за тој филм се интересираа многу медиуми. Во тој филм е прикажен и првиот бакнеж на Бандерас со маж.

1991 година беше пресвртница во неговата кариера, бидејќи стигна до Холивуд. Упадна во мејнстрим филмовите со улога во „Филаделфија“, а останатото е историја.

Бандерас долго време е еден од најсексипилните мажи, но и покрај таа титула, тој никогаш не водел раскошен живот. Во 1986 година се ожени со Ана Леза со која беше десет години, но се разведоа бидејќи тој се заљуби во Мелани Грифит.

Тие се запознале на снимањето на комедијата „Двојниот заводник“, и двајцата брзо сфатиле дека се создадени еден за друг. Тие се венчаа во Лондон во 1996 година по само неколку недели врска, а во истата година се роди и нивната ќерка Стела.

Но, и на таа љубов и дојде крајот и оваа славна двојка се разведе, но тој постојано велеше дека Грифит била и останува неговата најголема љубов. И покрај тоа што не живеат заедно, актерот има одлични односи со ќерката и поранешната сопруга. 

По оваа разделба, Антонио Бандерас се запозна со дваесет години помладата Никол Кембел, со која долго време е во емотивна врска. Сепак, тие никогаш не се венчале, бидејќи како што велат животот е пред нив, не брзаат да стигнат никаде.

Бандерас денеска полни 62 години, а пред пет години имаше сериозни здравствени проблеми и по тој повод му беа вградени два стента.

Тој е еден од најдобрите актери на сите времиња. Во текот на својата долга кариера сними 112 филмови и не планира да застане тука. Актерот се чувствува одлично и, како што повеќепати истакна, го чекаат уште многу достигнувања, награди и филмови.

Фото: Профимедиа

Можеби ќе ве интересира:

Мелани Грифит, паднатиот ангел на Холивуд: Живот проткаен со љубов, порок и борба за здравје