„Проклетства“ на кралското семејство во Монако: Трагичната судбина на Грејс Кели и несреќниот живот на принцезата Шарлин

Трагичната судбина на Грејс Кели и несреќниот живот на принцезата Шарлин

„Мислам дека знаете дека секое човечко суштество е уникатно. И тоа е убавината на човечката раса. Знаев дека за кого и да изберам да се оженам, ќе биде споредувана со мајка ми. И јас бев подготвена за тоа. Но, мислам дека Шарлин има многу прекрасни лични квалитети за да може да блесне“, рече принцот Алберт од Монако пред 10 години откако се ожени со принцезата Шарлин, која тогаш беше споредувана по убавина со неговата мајка, далеку познатата Грејс Кели.

Меѓутоа, фактот дека гламурот, раскошот, моќта и парите не подразбираат среќа, љубов, како и исполнет и долг живот, сведочи бурната историја на кралското семејство во Монако, во која имаше многу страдања, несреќни околности и трагедии.

А, колку подобро започнува нешто, толку полошо изгледа дека ќе заврши. Така, барем, беше во случајот со убавата, талентирана и бескрајно харизматична Грејс Кели.

Пред Меган Маркл да одлучи 62 години подоцна да ја заврши актерската кариера и да се посвети на принцот Хари, славната Грејс го стори истото кога, среде популарноста, славата и врвот на успехот во Холивуд, одлучи дека на возраст од 26, само една година подоцна откако го освои „Оскарот“ за најдобра женска улога, се повлече од светот на филмот поради нејзината ненадејна љубовна врска со принцот Рајнер III.

Нивната средба и љубов навистина може да се наречат судбоносни. Животот сакаше принцот, актерката и главниот и одговорен уредник на списанието „Пари Мач“ да биде во ист воз на југот на Франција за време на Канскиот фестивал, кој доби идеја да ги фотографира заедно за време на возењето и ги запознае.

Принцот Рајнер III и Грејс Кели наскоро воспоставија многу блиска врска, разменувајќи писма по нејзиното враќање во Америка, а на 5 јануари 1956 година беше објавена нивната веридба, а само три месеци подоцна беше организирана гламурозна венчавка која се одржа во два дена - првиот ден се одржа граѓанска венчавка во палатата во Монако, а следниот ден црковна венчавка во катедралата.

Кратко по венчавката, двојката имаше три деца - принцезата Каролина, принцот Алберт и најмладата принцеза Стефани. 

Среќата траеше кратко

Досега, Грејс, Дијана, Шарлин и Меган сведочеа дека „обичната жена“ никогаш нема целосно да се прилагоди на протоколот и претпазливиот кралски живот - сите овие четири имиња се поврзани со еден заеднички именител - „обичност“. Иако Грејс Кели беше филмска дива, а војвотката од Сасекс успешна холивудска актерка, сите тие живееја нормален живот по сопствена дискреција, без окови и ограничувања.

Грејс Кели наскоро сакаше да се врати на својата работа, но поради кралските должности и децата, таа не успеа да постигне се‘, така што проектите за враќање главно останаа само на планирање, а не на реализација, а тоа дополнително придонесе за нејзиното незадоволство.

Кога преминува од лошо во зло, обично завршува трагично. Така почина славната Грејс на 53 -годишна возраст додека се враќаше во Монако од Франција заедно со нејзината најмлада ќерка Стефани кога изгуби контрола над автомобилот (се сомнева дека доживеала мозочен удар додека возела) и се урнала низ стрмните карпи на кнежеството.

За среќа, ќерката преживеа, но до неодамна се бореше со траумите што останаа по трагедијата, но и со бројните напади и предрасуди со кои се соочи, дека таа евиновна за смртта на нејзината мајка.

Среќата не беше чест гостин во животот на децата на Грејс Кели. Трагедии и „љубовни маки“ се следеа една по друга.

Принцезата Каролина најде „среќа“ во љубовта по трет пат, по неуспешниот прв брак и смртта на нејзиниот втор сопруг, кој загина во страшна несреќа на трки со глисери.

На почетокот на новиот милениум, принцезата влезе во врска со Ернст Август од Хановер, директен наследник на кралот Џорџ III, кој во тоа време се‘ уште беше во брак со неговата поранешна сопруга со која има две деца. Се‘ беше потврдено во 1997 година, кога мултимилионерот се разведе од сопругата, со која беше во брак 16 години, и се согласи да биде „постојан придружник“ на принцезата.

Најмногу сепак, се пишува за животот на принцот Алберт и неговата сопруга принцезата Шарлин, која популарно ја нарекуваат „најтажната принцеза“, а тие двајца беа разделени повеќе од осум месеци. 

Да потсетиме, принцезата Шарлин во јануари отиде на службено патување како дел од нејзината хуманитарна фондација, кога и беше дијагностицирана тешка инфекција на увото, грлото и носот. Затоа, лекарите и забраниле да лета над 3000 метри надморска височина за да избегне компликации, и додека не се изврши медицинска интервенција во октомври, таа ќе мора да биде „закована“ на африканска почва.

Верувањето дека принцезата не е „заробена“ во Јужна Африка само од здравствени причини, се должи и на фактот што Алберт и Шарлин не ја прославија десетгодишнината од нивниот брак, па почнаа сомневањата дека таа тоа го направи по сопствена иницијатива, бидејќи била уморна од промискуитетниот живот на нејзиниот сопруг, принцот Алберт Втори.

Сепак, иако семејството се собра на крајот на август, никој се‘уште не верува во „семејната идила“.

Фото: Profimedia