(Рецепт на денот) Сочно пилешко во сос од печурки

Изненадете ги вашите најблиски со ароматичен рецепт што ќеги фасцинира.


Потребни намирници:

* 450 грама пилешко бело месо

*  400 мл бело вино

* 150 грама свежи печурки

*  2 лажици маслиново масло

* 120 мл павлака

* 2 чешниња лук

* 60 грама брашно

* 3 лажици путер

* 50 грама пармезан

* сол и црн пипер

* свеж магдонос


Начин на подготовка:

Завиткајте го месото во проѕирна фолија и исчукајте го убаво, до дебелина 6-7 мм, а потоа исечете го на филети.

Увалете го секое парче месо во брашно и ставете ги настрана.

Во поголема тава, загрејте путер и една лажица маслиново масло, ставете го пилешкото, печете четири минути од секоја страна.

Извадете го месото од тавата, додадете во истата тава малку маслиново масло, печурки, сецкан лук и пржете со постојано мешање.

По неколку минути додајте го белото вино, и на крај вратете го пилешкото и посипете со лук. Кога ќе започне да врие, покријте го со капак и оставете да се крчка околу 15 минути.


По 15 минути, повторно извадете го пилешкото од тавата, истурете ја павлаката и оставете да се загрее. Промешајте и додадете го ренданиот пармезан.

Кога сирењето ќе се стопи, оставете да зоврие додека не се згусне сосот.

Вратете го пилешкото, гответе кратко за да остане топло и сервирајте.


Бон апетит!!!