Рецепт на денот: Вафли со цимет

Добивај вести на Viber

Потребни намирници:

250 грама брашно

50 грама бел шеќер

100 грама кафеав шеќер

2 лажички цимет

4 лажички прашок за пециво

прстофат сол

400 мл млеко

100 мл масло

1 лажичка екстракт од ванила

2 белки

Начин на подготовка:

Во еден сад измешајте ги брашното, шеќерот, циметот, прашокот за пециво и солта.

Потоа додајте го млекото, маслото и екстрактот од ванила во мешавината на брашното и добро измешајте.

Во друг сад матете ги белките и полека додајте ги во смесата и мешајте со дрвена лажица.

Загрејте го апаратот за вафли и намачкајте го со малку масло и ставете од тестото.

Печете околу две минути, додека тестото не се испече убаво.

Сервирајте по ваша желба, со крем, џем, мармалад, мед или само со шеќер во прав и уживајте во нивниот вкус.

Бон апетит!