Се одржа Првата Регионална Конференција за обработка на дрво и производство на мебел во организација на МЕБЛИНГ
На 22 ноември 2024, изложбениот салон на Меблинг ДООЕЛ во Скопје беше домаќин на Првата регионална конференција за обработка на дрво и производство на мебел, одржана под мотото „Дрво, Луѓе, Автоматизација“. Настанот привлече повеќе од 100 учесници, меѓу кои домашни и меѓународни експерти, претставници од компании и академици, кои дискутираа за иднината на дрвната индустрија преку автоматизација, иновации и одржлив развој.
Во текот на денот, учесниците имаа можност да ги слушнат презентациите на реномирани говорници од регионот:
• Проф. д-р Владимир Кољозов од Македонија зборуваше за придобивките од имплементацијата на нумерички управуваните технологии.
• Серафин Беќирај од Австрија ги презентираше најновите достигнувања во автоматизацијата на дрвната индустрија.
• Зоран Вуковиќ од Босна и Херцеговина говореше за дигитализацијата во производствените процеси.
• Јосип Гаврановиќ од Хрватска сподели иновативни софтверски решенија за дизајн и производство.
• Јасмин Ахмиќ од Босна и Херцеговина ја потенцираше улогата на роботиката во модерното производство.
• Марко Костов од Србија презентираше иновации во 3Д-принтингот и реверзниот инженеринг.
Особено признание беше упатено до Факултетот за дизајн и технологии на мебел и ентериер во Скопје, чии претставници дадоа значителен придонес во конференцијата. Проф. Кољозов нагласи дека овие настани се клучни за интеграција на научните истражувања и практичните индустриски примени.
Како организатор, Меблинг ДООЕЛ уште еднаш ја потврди својата посветеност за поддршка на индустријата преку овозможување платформа за вмрежување и размена на идеи. Настанот заврши со коктел-забава, каде што присутните ги зајакнаа своите деловни релации.
Покрај конференцијата, беше организиран и Меблинг Саем Дома 2024, кој продолжува до денес. Посетителите имаат можност да ги разгледаат најновите автоматизирани машини, кои се инсталирани и пуштени во функција во изложбениот салон на Меблинг.
Изложени и ставени во функција беа машините на Felder Group: Format4 H80, Tempora F600 и Tempora F800 U-Motion, како и CXP 920.
Конференцијата беше оценета како исклучително успешна, поставувајќи темели за нејзино традиционално одржување. Меблинг ДООЕЛ изрази благодарност до сите говорници и учесници за нивниот придонес во овој значаен настан.
Меблинг – Ваш партнер за иновации, технологија и успех во дрвната индустрија!
*Пр објава
