Се сеќавате ли на шок фустанот на Лепа Брена кој пред 3 недели го шокираше Балканот? Најдобрата модна блогерка на светот го носеше истиот и никој не се пожали
Една од највлијателните модни блогерки во светот, Леони Хане, вчера се појави на ревијата на Скиапарели во предизвикувачко, необично издание кое е невозможно да остане незабележано!
Убавата Германка избра фустан со потписот на овој луксузен бренд, а се работи за краток црн фустан со долги ракави на кој со златни конци е исцртана силуетата на голо женско тело.
Силуетата е намерно исцртана малку несмасно, уметнички и потребни се неколку секунди за да се задржи вниманието на неа, за да се разбере дека тоа не е случајна шема.
Леони ја комплетираше комбинацијата со црни, лакирани чизми, и златна, модерна чанта и ефектни обетки, а ова издание неодоливо не‘ потсети на фустанот на Лепа Брена, кој го носеше пред неколку недели на една новогодишна ревија.
Да потсетиме дека Брена тогаш носеше речиси идентична креација - црн долг фустан со чист принт на голо женско тело, исто така во златна боја. Со ова издание таа крена вистинска бура на социјалните мрежи во Србија и регионот - многумина тврдеа дека креацијата е премногу предизвикувачка, несоодветна и вулгарна, особено поради фактот што новогодишната програма најчесто ја гледаат деца.
Но, Брена не се поколеба од критиките - таа самата призна дека овој фустан е блага провокација и дека може само да им пречи на лажните моралисти.
„Без жената, човештвото не би постоело! Затоа фустанот е посветен на симболот на мајките и жените од целиот свет, Венера! Таа е древен симбол на женската енергија, љубов и убавина. Затоа, овој фустан е симбол на Венера. Самосвесна жена. Истиот стил на облекување е првиот создаден од Жан Пол Готје за Бијонсе“, изјави Брена за „Слободна Далмација“.
Фото: Youtube - screenshoot/Инстаграм
Можеби ќе ве интересира
