Се спои неспоивото: Џамбазов и Илина половина година во врска
Омилениот пар на македонската сцена денес прославуваат половина година откако се во љубовна врска.
Пред 6 месеци се спои неспоивото, се вљуби невљубивото, е реченицата со која шоуменот ја опиша врската со алпиниската.
Врска за која, поради активното споделување фотографии на социјалните мрежи, мислиме дека многу знаеме, а сигурни сме дека има толку многу работи кои ги чуваат само за себе, далеку од очите на јавноста.
Сепак, парот несебично ги части обожавателите со заљубени фотки, каде и како ги минуваат деновите, како се забавуваат, а нивната искреност е тоа што најмногу го цениме.
За само неколку месеци тие станаа омилен пар, водејќи не' низ нивните авантури, во нивен хумуристичен стил.
Неодамна Игор зборуваше за почетоците со Илина и дека тој го направил првиот чекор.
Тој покажа и дека е многу внимателен кога станува збор за одбирање на подарок за саканата.
Се фали со неа дека е силна, често знае да се пошегува на нејзина сметка, но и да ѝ ја посвети најубавата љубовна честитка за роденденот.