Со години велеа дека можела да најде многу поубав маж, а потоа дознала дека ја изневерувал: Прељубникот сега моли за прошка, но оваа бесна жена е немилосрдна
Се почесто се зборува за тоа дека Емили Ратајковски и Себастијан Бер-МекКлард се разделиле минатиот месец и дека манекенката планира да се разведе бидејќи дознала дека сопругот ја изневерувал.
„Себастијан ја моли да му даде уште една шанса. Тоа нема да се случи затоа што таа сама истражуваше и откри уште повеќе срања што тој ги правеше зад нејзиниот грб“, изјави за „Пејџ шест“ извор близок на Емили Ратајковски (31).
Гласините дополнително ги поттикнаа фотографиите на кои Емили не носи бурма, додека Себастијан (41) не ја симнува бурмата. Работите веќе отидоа толку далеку што познатата бринета веќе поднела барање за развод, открил извор.
„Она што го имаа беше навистина посебно. Сите нивни пријатели сакаа да ги гледаат во весниците и на насловните страници. Беше прекрасно, но секако најдобрите врски завршуваат на грд начин. Не знам која е вистината за однесувањето на Себастијан и не го бранам, но знам дека и двајцата се вознемирени. Толку е тажно“, сподели пријател на поранешната двојка, која се венча во 2018 година по само две недели врска.
Во март 2021 година, тие го добија синот Себастијан, а Емили ја објави веста за нејзината бременост во специјалното видео за „Вог“ во режија на Лена Данам. Таа рече дека не сака да го знае полот на бебето бидејќи нејзиното дете ќе одлучи дали ќе биде машко или женско.
Емили и Себастијан, кои според нивните пријатели важеле за моќен, креативен и поинаков пар во Њујорк, потекнуваат од семејства на уметници. И таа и неговите родители се занимаваат со уметност, а неговите блиски велат дека е еден од водечките луѓе на Големото јаболко кое е рај за креативците.
И без сомнение тие беа прекрасен пар. Но, не ги одминаа ниту негативните коментари како оној дека можела да си најде многу поубав сопруг. Така порачаа нејзините обожаватели кои застанаа на површни проценки, а токму поради ваквите реакции многумина сега беа изненадени од веста дека ја изневерил. „Критичарите“ очекуваа дека ќе биде поинаку.
Ајде малку да се пошегуваме, можеби на Себастијан му здосадиле коментарите дека не е доволно убав за сопругата.
