Свадбата на Србинка е прогласена за една од најубавите свадби во светот во 2022 година (ФОТО)
Можете ли да погодите чија?
Беше ова година за свадби на познати личности.
Џенифер Лопез и Бен Афлек конечно ја крунисаа својата обновена романса со брак.
Foto: BACKGRID / Backgrid USA / Profimedia
На домашната венчавка на Бритни Спирс и Сем Асгари, листата на гости беше чист гламур - дојдоа сите што се прославија во раните 2000-ти.
А Кардашијан - сите облечени во Долче и Габана - се собраа во Портофино за Кортни да му каже „да“ на Тревис Баркер.
Големо внимание привлече и свадбата на Бруклин Бекам и богатата наследничка Никола Пелц на Палмс Бич, но најмногу ќе остане запаметена по кавгата помеѓу Викторија Бекам и нејзината снаа, за која се пишуваше и пред и за време на гламурозната венчавка.
Магазинот Вог ги стави сите овие свадби на листата на осум најубави во 2022 година - а меѓу нив беше и бајковитата италијанска венчавка на една Србинка. Станува збор за моделот, актерка и водителка Нина Сеничар, која во Тоскана се омажи за холивудската ѕвезда Џеј Елис.
Италијанската модна куќа Dolce&Gabbana го дизајнираше класичниот, безвременски и елегантен венчален фустан на Нина. Џеј и Нина решија да се венчаат на локацијата на првиот заеднички одмор во кој уживале како двојка – вилата Mangiacane, која е сместена меѓу лозјата и маслиновите насади во Сан Кашан.
„Беше неверојатно. „По сето она низ кое сите поминаа во последните неколку години, да се соберат преку 190 луѓе три дена во Тоскана и да се прослави беше надреално“, изјави Џеј Елис за Вог.
ФОТО: Инстаграм
