Тажна исповед на Илда Шаулиќ по загубата на бебето: Ги чувствувам последиците од интервенцијата
На почетокот на
јули, пејачката објави дека таа и нејзиниот сопруг Бојан Вучковиќ (50)
очекуваат бебе, а во исто време и дека е позитивна на коронавирус. Таа направи
тест токму поради бременоста и поради бројните контакти што ги имала кон
средината на јуни на роденденската забава на нејзиниот брат Михајло.
- Со оглед на сè што поминав, добро сум. Се разбира, сè уште чувствувам некои последици од интервенцијата, но сето тоа ќе помине. Многу е поважно што, и покрај сè, успеав да го зачувам мојот внатрешен
мир, се помирив со ситуацијата за која многу ми помогнаа моето семејство и
пријателите. Тие за мене се секогаш тука и ми помогнаа неизмерно – изјави Илда, за
списанието Глорија.
Илда споделила и за најтешкиот момент што го имала
потоа, како да и објави на нејзината ќерка Ејми дека бебе нема да има.
- За среќа, имам паметно и неверојатно зрело дете
за нејзина возраст. Таа на сите по телефон им кажуваше дека ќе добие брат
или сестра. Ејми го прифати ова како неизбежност. Таа инаку е таква. Кога тато почина,
и реков дека е на пат, обидувајќи се да ја поштедам на тој начин. Не знаевме
како да и ја кажеме вистината. И тогаш, во една прилика, кога и го дадов
вистинскиот одговор, таа рече: „Дедо ми не е на пат, тој е со ангелите“. Бевме
шокирани, но сфативме дека не треба да криеме премногу работи од неа -
заклучува Илда.
Фото: Фејсбук
