Тинејџери силувале 67-годишна жена и ја задушиле: Потресен настан во Струмица

Потресен настан од југоисточниот дел на земјава.

Откако вчера во Струмица беше пронајдено безживотно тело на 67-годишна жена, денес полицијата излезе со детали, дека всушност се работи за ладнокрвно убиство, за кое приведени се двајца тинејџери на возраст од 13 и 14 години.

 Во просториите на СВР Струмица, во присуство на педагог од Центарот за социјални работи Струмица, родител и адвокат, извршен е службен разговор со осомничените, при што целосно е расчистено кривичното дело, а малолетниците со соодветен поднесок се предадени во Oсновното јавно обвинителство и во Центарот за социјални работи во Струмица, за понатамошна постапка согласно законската регулатива.

-По добиено оперативно сознание во СВР Струмица дека вчера во куќа во Струмица се извршени кривични дела разбојништво и силување, а врз основа на наредба од Основен суд Струмица, извршен е претрес во куќа на ул. „Балканска” во Струмица, каде е пронајдена мртва Д.М. (67). Преземени се мерки за расчистување на случајот и извршена е обдукција по наредба на јавен обвинител, при што е утврдено дека смртта настанaла по насилен пат, поради задушување. Поради основано сомнение дека се извршители на кривично дело „Убиство”, казниво по член 123 од КЗ, на 19.02.2021 година, најпрво, во Гевгелија е лишен од слобода малолетник (13 години), а потоа во Струмица малолетник (14 години), соопшти МВР.