Влегов во собата и ја видов ќерка ми без облека, му викнав на сопругот што прави: Имам пет деца, тие ми рекоа да ги заборавам
Јелина од самиот почеток имала многу тежок живот, но најголемата несреќа започнала кога татко ѝ ја ветил на погрешен човек
Јелина Терзиќ, Босанката од градот Подгора кај Лопар, имала необична судбина, а многумина се‘ уште се прашуваат како носела се‘ на грб и останала жива. Таа е мајка на пет ќерки, но со ниту една нема контакт, тоа е нејзината најголема болка. Живее од нередовна социјална помош, соочена со сериозни здравствени дијагнози.
Поради ревматизам има проблеми со 'рбетот и нозете, па тешко се движи и со бастун. Но, тоа не ја спречило самата да засади и ископа 400 килограми компири. Покрај тоа, таа до неодамна ја перела облеката со вода од река која воопшто не е блиску до нејзината куќа.
- Морам да се борам со животот, не дај Боже да паднам во кревет, тоа нема да го доживеам. Ги сакам своите компири и моите ниви, не ми е гајле за пари. Не може да не се работи – вели оваа храбра жена.
Нејзината сосетка Билјана секогаш била до неа.
- Билјана ми го спаси животот, ме однесе на лекар, имав пневмонија. Ми носи и храна и лекови, фала ѝ до небо. Таа ми помогна да не умрам од глад - вели таа за каналот YT „ТВ ЖИВА ИСТИНА“.
Свлечиштето дополнително ја уништило и онака трошната куќа на Јелина, а еден дел целосно паднал, додека целиот темел пукнал. Таа била принудена да се исели пред околу 2 месеци.
Мајка ѝ починала во 2001 година, татко ѝ во 2009 година, а оттогаш Јелина живее сама таму.
Се омажила во Бачка Паланка каде извесно време живеела со сопругот и децата.
- Родив шест деца, момчето почина, ми останаа уште пет девојчиња. Татко ми една вечер се опијани и ме вети на Неџо во кафеана, на мојот поранешен сопруг со кој имав деца. Ми рече дека ме ветил на него и дека морам да се омажам за него. Неџо се сврте кон пиењето, никако не можев со него да издржам. Ги тераше децата да јадат и што можат и што не, во спротивно би биле тепани. Колку пати ме удрише и мене по глава, бранејќи ги. Работеше на железница, имаше плата, но ни денар не видовме. Не сакаше да купи ништо, ги криеше парите. Да не добивав помош од Црвениот крст во Бачка Паланка, децата ќе немаа што да јадат – раскажа напатената жена и продолжи:
- Ја искина и запали детската гардероба. Не им дозволуваше да спијат во ноќници, туку во облеката што ја носеа преку ден. Еднаш отидов да земам вода, се вратив, ја скинал пижамата од најстарата ќерка! Таа беше целосно гола! Пукнав: „Што направи?!“, а тој викна: „Што прават децата во ноќници?“. Ќерката во тоа време имаше 11 години. Не се обидел да ја силува, немал таква намера. Го пријавив во полиција, но ништо не можеше да направи. Кога видов дека продолжи со својата глупост, решив да заминам. Го известив Центарот за социјална работа, постарите деца ги испратија во дом, а помладите во згрижувачки семејства. Потоа се вратив во домот на моите родители во средината на 1996 година. Каква болка видов, тоа го нема никаде...
Најтешко ѝ е што нема контакт со децата.
- Не, децата не ми се јавуваат, ми рекоа да ги заборавам.
Бидејќи куќата и се урнала поради свлечиште, откако ја собрала потребната документација, од општината добила втор дом да го користи додека е жива. Немало ништо во домот, добри луѓе ѝ помогнале да го опреми со основни работи за живот.
-Добива социјална помош, но таа доцни неколку месеци. Живее од добри луѓе. Јас готвам за децата, таа доаѓа јаде, ја перам и слично. Кога дојде, моето дете ѝ ја скрати косата и ѝ ја исфарб, заслужи да има достоинствен живот - заклучила сосетката Билјана, која на Јелина гледа како на мајка.
Фото: Printscreen Youtube / TV ŽIVA ISTINA
