Запознајте ја Италијанската принцеза- чистокрвна Американка: Ја има најскапата куќа на светот од која ја избркаа

Рита Лудовиси (72), поранешна манекенка на Плејбој од Тексас, која се омажи за италијанскиот принц Николас Лудовиси, ќе биде иселена од својот дом, вила вредна 539 милиони долари во Рим во која се наоѓа дури и еден од муралите на Караваџо, по тешка и брутална битка за наследство со неговите посиноци.

Вилата Лудовиси или Казино дел Аурора во семејството Лудовиси е стара повеќе од четири века, односно од раните 1600-ти. Откако принцот Николо, по потекло од старо благородничко семејство кое владееше со градот Пиомбино, почина во 2018 година, вилата стана предмет на оставински спор меѓу неговата вдовица Рита, трета сопруга, и неговите деца од претходниот брак.

Минатата година судијата нареди вилата чија вредност се проценува на 471 милион евра да се стави на аукција со првична понуда од 353 милиони евра. Вилата е опишана како монументален имот на шест нивоа кој е меѓу најпрестижните архитектонски и пејзажни убавини на Рим, пишува „Дејли мејл“. Има две покривни тераси, неверојатна градина полна со високи дрвја, пешачки патеки и места за одмор, необични скали и ретки цвеќиња, а и веќе споменатиот мурал на ѕидот насликан од Караваџо со главата и брадата.

Princesa Rita Jenrette, es dueña en Roma, de probablemente, la casa privada más cara del mundo y está programada para ser subastada el 18 de enero con una oferta inicial de 534 millones de dólares, un precio que de ser pagado, establecería un récord mundial. pic.twitter.com/aKSR84DNux

— Raúl Brindis (@raulbrindis) November 19, 2021

Франческо, Игнасио и Банте, тројцата синови на Никола Лудовиси, поминаа три години борејќи се со својата маќеа за судбината на имотот. На крајот, пресудата е таква што вилата Аурора ќе мора да се продаде на аукција, а приходот да биде поделен на Рита и браќата Лудовиси.

„Сакав оваа куќа да стане музеј, но ми здодеа од судски процеси, а на судот му е доста од тужби, па само нареди да се продаде. Тоа е срцепарателно“, изјави Рита во октомври, додавајќи дека нејзиниот покоен сопруг отсекогаш се спротивставувал на продажбата, и дека ги одбивал дури и понудите на Бил Гејтс и арапскиот шеик.

„Помислата дека оваа куќа ќе падне во погрешни раце ме уништува“, додаде таа.

Инаку, убавата русокоса е родена во Тексас како Рита Карпентер, а се школувала на Харвард и поголемиот дел од 70-тите години на минатиот век ги поминала како сопруга на Џон Џенрет, демократски конгресмен од Јужна Каролина. Нивниот брак се распадна во 1980 година кога Џенрет беше осудена за примање мито од 50.000 долари.

После тоа, Рита реши да позира топлес за „Плејбој“ со статија за себе, која ја напишала и која е наречена „Ослободување на жена од Конгресот“. Таа во написот го обвини својот поранешен сопруг за низа неверства, а ја откри и нивната „валкана“ тајна - воделе љубов неколку пати на мермерните скали пред Капитол, на паузите на целодневните конгресни седници.

Сето ова резултираше со таква помпа што Рита отиде чекор понатаму - објави автобиографија „Моите тајни на Капитол“, опишувајќи бескрајни забави, оргии и забави со алкохол, кокаин, девојки и момчиња на повик, со кои се среќавала додека била во брак со активен маж во политиката. Очекувано, книгата стана бестселер.

Рита се пресели во Лос Анџелес на крилјата на славата, сакајќи да се пробие во светот на Холивуд, но успеа да добие само епизодни улоги. Од друга страна, затоа пак во 1984 година заврши во „Плејбој“, овој пат на насловната страница. Сепак, сето тоа не придонесе за просперитет на нејзината холивудска кариера, па таа својата среќа ја побара во Њујорк како ТВ репортер. Немала среќа и во тие води, па целите 90-ти ги поминала работејќи како агент за недвижности.

Нејзиниот живот радикално се промени во 2003 година, кога ја контактирале како од ведро небо и побарале да работи како брокер на договор за развој во кој беше вклучен принцот Николас.

„Ми се јавија и ми рекоа: „Има принц кој би сакал да изгради хотел на својот имот“, е во една прилика.Одговорив; „Ох, побогу, сите во Њујорк се нарекуваат гроф или принц или што и да е, а тие не се“, рече таа во една прилика.

Меѓутоа, Рита ја прифатила оваа понуда и набрзо се уверила дека Николо Лудовиси навистина е вистински принц. Тој, пак, се заљубил на прв поглед.

„Кога ја видов, ѝ реков, на најнесмасниот начин што можете да го замислите: „Па, ти не си грда!“ Ти си, се разбира, убава, но убава и одвнатре, изјавил во догледно време Италијанецот .

Парот се венчал во 2009 година, а за зачувување на имотот потрошиле повеќе од 13 милиони долари, меѓу другото, поканиле бројни посетители на платени обиколки низ куќата и градината, а често ги каниле и на чај.

Но, нивната 15-годишна љубов била причина за несогласувања и кавги со синовите на овој принц, кои очигледно никогаш не биле решени.

„Кога беа мали посакавте да ги изедете од што беа слатки . Кога пораснаа на некој начин, зажаливте што не го направивте тоа-рекол принцот за односот со своите тројца синови.

Рита моментално ужива во последните моменти во оваа луксузна вила, а истакна дека се надева дека кој и да ја купи куќата ќе ја сака колку што таа ја сакала.

„Понекогаш се качувам горе и вежбам јога под Караваџо, затоа што ми е многу релаксирачко. Сега кога знам дека заминувам, кога ќе заврши таа аукција, го ценам секој момент. Го ценам секој спомен“, рече таа во декември.

Ужива во последните мигови во луксузната вила: 

фото: Твитер