Ѕирнете во луксузната вила на Бијонсе и Џеј Зи од 2,6 милиони долари: Прво била црква, па балетско школо, а сега дом на славниот пар
Пред две години некој им подметнал пожар на познатиот имот
Планетарно популарната пејачка Бијонсе неодамна освои четири музички награди на Греми наградите во Лос Анџелес, по што доби и неколку награди на „БРИТ“, каде не настапи бидејќи од организаторите побарала дури 500.000 евра.
Поради овие шпекулации за вртоглава сума за еден настап, Бијонсе предизвика бура од реакции во јавноста, што нејзиниот сопруг Џеј Зи и таа го прават со години.
Славниот пар со секој чекор ја интригира јавноста, а сега на површина испливаа детали од нивниот луксузен живот, што често предизвикува спротивставени реакции кај јавното мислење.
Имено, тие еднаш купиле куќа во Њу Орлеанс. Бред Пит и Анџелина Џоли потоа ја продадоа својата вила изградена во француски стил „Луизијана“, а Бијонсе и Џеј Зи вложија дури 2,6 милиони долари за овој прекрасен дом.
Оваа палата се наоѓа во квартот Гарден во Њу Орлеанс, а некогаш била презвитеријанска црква, изградена во 1925 година. Исто така, во еден период ова било балетско училиште. Има површина од околу 1.500 квадратни метри, високи тавани и три приватни апартмани од 100 квадратни метри распоредени на три ката.
Во оваа куќа има вкупно дваесет и две соби, вклучувајќи седум спални соби и осум бањи. Има и исклучително елегантна трпезарија, просторија за седење и прием, како и прекрасна библиотека со полици за книги од подот до таванот. Главниот апартман во оваа вила има пространи гардероби, додека приватната бања се состои од антички дрвен мијалник, када и посебен туш. Овој имот има и зелен покрив на кој е засадена трева, а се користи и како двор, од каде што има поглед кон централниот дел на градот.
Откако стана балетско училиште по црквата, овој објект во 2000 година беше претворен во станбен простор. Олтарот е претворен во трпезариски простор, а зачувани се оригинални елементи како висококвалитетни дрвени подови, столбови и рабови кои детално можете да ги погледнете во галеријата подолу.
Да потсетиме, пред две години во оваа вила избувна пожар. Во моментот на пожарот вилата била празна, а се претпоставува дека е подметнат пожар, бидејќи полицијата примила пријава за сомнително лице на споменатиот имот околу моментот кога избувнал пожарот.ФОТО: Инстаграм screenshot/Profimeia
