КУЌИТЕ НА ИСЕЛЕНИЦИТЕ СЕ ПРАЗНИ: Соседите и роднините ги одржуваат за надомест или бесплатно

Многу македонски граѓани живеат во странство и само еден месец во годината престојуваат тука, така што нивните куќи ги надгледуваат, одржуваат, чистат  роднините или соседите за  одреден паричен надомест или бесплатно.

Вакви случаеви има во сите делови на Македонија. Куќите на печалбарите се доверени на блиските роднини или на соседите. Овие луѓе велат дека  редовно ги проверуваат куќитe, за да реагираат во случај на кражба.  Зурап Куртовски од селото Скудриње во Општина Маврово – Ростуше вели дека нему му се доверени куќите на неговите најблиски.